Home Tempo Tormenta Tropical Ophelia a nace riba Oceano Atlantico

Tormenta Tropical Ophelia a nace riba Oceano Atlantico

266
0
SHARE
- Advertisement -

ORANJESTAD (AAN): Dialuna mainta pa 11:00 am, Tormenta Tropical Ophelia a nace riba Oceano Atlantico.  Banda di 5:00 pm, e centro di Ophelia tabata na 31.5º Nort y 39.6º West.  Esaki ta como 1.355 kilometer West-Zuidwest di Azores.

Biento maximo sosteni den e centro ta di 75 km/h, y e ta moviendo aworaki Noordoost cu 6 km/h.  Pues e ta alehando su mes di cualkier pais, y mas bien lo bay keda riba lama.

E lo cuminza move awe pa direccion pariba, y despues pa zuidoost.

E lo djis keda riba Oceano, y lo ta un peligro solamente pa nabegacion.

PRONOSTICO ARUBA:  Ademas di Ophelia, no tin ningun tormenta mas.  Y Ophelia no ta forma peligro pa Aruba.

Pa Aruba awe, temperatura maximo lo ta 32ºC y minimo ta 27ºC.

Un disturbio na nivelnan mas abao di atmosfera ta moviendo poco-poco bay direccion pabao.  Pa awe esaki lo percura pa aire relativamente humedo y instabil den region local.  Temporalmente mas nubia lo forma for di cual por spera algo di awacero na Aruba.  No por exclui un chens chikito di lamper cu strena.

Biento ta debil te modera for di Noordoost y Zuidoost entre 7 y 22 km/h.  Temporalmente biento ta variable y debil, entre 1 y 6 km/h.

Olanan di lama lo ta for di pariba cu altura di 3 te 4 pia.

- Advertisement -

DUNA COMENTARIO

Please enter your comment!
Please enter your name here