Home Labor Trahadornan lo por keda labora na Dimas dependiendo kico ta poni den...

Trahadornan lo por keda labora na Dimas dependiendo kico ta poni den e contract

67
0
SHARE
- Advertisement -

ORANJESTAD(AAN): No tin duda cu dialogo ta keda semper un di e corebusinessnan di un sindicato, pasobra ta na mesa bo ta discuti y bo yega na cualkier entendimento. Bo por bay den accion, bo por bay den welga pa forsa un doño di trabao cu no kier dialoga na mesa, cu no kier sinta cubo na mesa, pero na final boso ta termina ta haciendo e mesun cos cu na comienso por a tuma luga, esta dialoga na mesa, negosha na mesa y yega na un acuerdo.

Pa SEPPA tin cu bisa cu a bay na mesa di dialogo na hopi ocasion. E reglanan mester ta estableci di antemano. Tur dos partiod mester sa di respeta esakinan. Dialogo no semper ta nifica adelanto. Tin biaha bo tin cu para keto y wak y tuma e miho decisionnan pa garantisa un futuro, garantisa bienestar di e gruponan cu bo ta representa.

Adelanto:

Na 2008, manera cu a worde bisa na comienso, a acorda e porcentahe atras cu tabata tin. E tempo tabata 8.2 cu tabata pendiente. Na 2014 a acorda con e pago ta tuma luga. Gobierno a cumpli tur aña manera e acuerdo a keda estableci. Cierto momento Gobierno a termina cu e debe pendiente eynan. Esey no ta nifica cu tambe tin u acuerdo cu na 2008, na comienso di aña, dependiendo di e costo di bida, bo por pidi back pa bay back na mesa y yega na loke ta posibel ahustacionnan.

Rumor:

Ora cu tende diferente biaha caminda cu empleadonan publico ta core rumor cu bashipremie, gelijkbedrag, ta bay perd’e, Brito a splica cu esaki no mester ta asina. Pa motibo cu bashipremie, gelijkbedrag, Reparatiepremie, vakantieuitkering ta acuerdonan y hopi di nan ta draai rond di e negociacionnan cu a tuma luga rond di e indexering di añanan 90 bin ariba. Perd’e ta permiti esaki. Pero de facto ta bo mesun placa cu na momento di negociacion, enbes di mand’e den bo salario, a negosha otro componentenan pa por percura cu bo tin un stabilidad mas den periodonan durante un aña.

Por a scucha cu algun empleado di Dimas, cu tin mas cu 2 pa 3 aña ta traha como contractant. Awor aki tin e chens grandi cu nan no lo keda na trabao. Segun Magali Brito di SEPPA, ta depende kico ta para den e contract. Un arbeidscontractant por ta para na un periodo di 5 aña of 1 aña, ta depende. Den e ultimo añanan tambe a conoce cu ta cera contract cu trahadonan, teniendo cuenta cu e periodo di gobernacion. Esey tin diferent hende den e tipo di situacionnan aki. Pesey mes ta bisa cu un arbeidscontractant eigenlijk mester tambe un cierto siguridad den trabao. Imagina cu tin hende despues di 7 of 8 aña, si mira e gobierno cu awor aki ta terminando su periodo, 8 aña di gobernacion, kiermen hopi hendenan aki tin 8 aña. Nan a acumula experiencia y conocemento. Nan a custuma cu e proceso cu nan ta atende cu nan. Nan a brinda un servicio. Si bo directornan di departamento ta contento cu esakinan, pa kico no. Mester por sali consehonan positivo pa e hendenan aki por keda na nan trabao. E organizacion aki of e departamento aki tambe a inverti den e tipo di hendenan aki, cu nan contract, mientras tanto nan a establece un base di confianza. Nan a brinda nan tur informacion y di cual cu nan por a percura pa nan por duna un trabao of brinda un servicio. Imagina cu tin cu cuminsa full di nobo. No ta bon pa un comunidad cu mester di un servicio. No ta bon tampoco pa un servicio cu mester tin continuidad. E departamento, no tak ere cu ningun hende, ningun director no kier traha di e forma aki.

Na Dimas 30% di e trahadonan, no ta sigur di nan trabao awor aki. Ta un cantidad hopi grandi. Ta crea un bashi hopi grandi mes den e departamento aki. Como sindicato SEPPA lo mester keda mustra Gobierno cu e tipo di maniobranan na comienso pa duna trabao, etc., e por mustra bunita, pero na final, esun cu ta sali perhudica toch ta e trahado, y tambe e departamento y tambe na un comunidad. Con ke sea nos ta bay atras. Nos tin cu cuminsa full di nobo cu e departamento aki. Ta spera cu den tur otro departamento cu tin hendenan igual den tipo di contractnan asina, cu e departamento tambe por sali pa e hendenan aki, mustra cu tin mester di nan. Aki no ta cuestion pa mira color politico mas, pero tin cu wak e servicio na prome luga.

- Advertisement -

DUNA COMENTARIO

Please enter your comment!
Please enter your name here