Elvis Lopez ta splica tocante casnan di bleki:
ORANJESTAD (AAN)—Celebrando otro apertura di Atelier 79, Elvis Lopez a splica den entrevista cu Matutino DIARIO, tocante e actividad cu a tuma lugar den fin di siman.
E biaha aki ta na San Nicolas cu sosten di Fondo di Monumento y tambe DOW cu a permiti nan uza un precioso edificio ex-Uncle Louis Store.
A habri tambe un exposicion di un di e artistanan grandi di Aruba Agnes Leslie y tambe tabata tin e clausura di nan tayer di trabao “Haci di herencia un arte” y den esaki tin obranan di alumnonan di e tayer di trabao “Traha casnan di bleki” y tur e hendenan cu a participa, cu a duna nan relato di historia di e casnan di bleki cu tabata wordo traha den pasado, den Village.
Y banda di Casa Nena San Nicolas tin tur e obranan tridimensional cu ta escultura presenta den un hardin cu nan mes a crea, y asina a trece algo mas completo unda por a mira tres diferente show den un.
