Home Parlamento Tur hende convenci cu un epoca nobo a cuminza den Parlamento

Tur hende convenci cu un epoca nobo a cuminza den Parlamento

216
0
SHARE
- Advertisement -

ORANJESTAD(AAN): Diabierna tabata un dia special pa 21 Parlamentario, cu a huramenta dilanti di Gobernador di Aruba den sala di Parlamento. Lider di MEP, Evelyn Wever-Croes, a huramenta pa di 3 biaha como parlamentario y ta un momento unico.

Ta 21 persona den henter e pais aki di 120 mil hende tin e honor aki. Ta algo hopi grandi. E huramentacion tambe ta caminda cu bo ta invoca Dios pa ilumina bo, guiabo, pa tenebo riba e bon caminda y tuma e bon decisionnan y ta un momento cu bo tin cu para keto na dje. No ta djis algun palabra.

E momentonan aki ta sumamente solemne y importante. Pa MEP, e ta un orguyo hopi grandi, cu e toke especial e biaha aki, mirando cu nan no ta den oposicion, pero sinta na otro banda di sala. Tur cos ta di custuma. E ta un poco straño ainda. E ta mustra si e prome señal di e cambio. E cambio di e decision di pueblo di dia 22 di September.

Tipo di parlamento:

Pueblo a indica cu e no kier pa e Parlamento, manera cu e tabata funciona den pasado, sigui funciona. Loke tin cu haci, ta siña di e lesnan ey. Cosnan den bida ta pasa pa un motibo y tin cu siña di dje.

Parlamento mester haya su espacio pa haci su trabao independientemente, controla Gobierno. Parlamentarionan tin cu haya nan espacio pa haci nan trabao, nan tin cu haya e sosten tambe.

Wever-Croes mes kier mira cu e nivel di Parlamento ta eleva, caminda cu debatenan ta bay riba e temanan, debate ta bay riba topico, no riba hende, mama, papa, etc. Esey ta loke el a bisa tambe na momento di a cera e parlamento bieu. Ohala cu awe, ta habri un era nobo y un parlamento cu ta mustra respet pa e haya respet.

- Advertisement -

DUNA COMENTARIO

Please enter your comment!
Please enter your name here