Home Politica Unico manera pa re-paga e debe nacional y drecha economia ta via...

Unico manera pa re-paga e debe nacional y drecha economia ta via crecemento economico

281
0
SHARE
- Advertisement -

Andin Bikker miembro di POR

ORANJESTAD (AAN) – Den conferencia di prensa di Partido POR, Plataforma e Forza Nobo, mr. Andin Bikker a señala cu historicamente tur proceso di recuperacion economico, entre otro na Hulanda y otro paisnan di e region, a mustra cu e unico manera cu por re-paga e debe nacional y drecha e economia, ta door di crecemento economico.

Bikker a reitera cu lamentablemente e gobieno cu ta saliendo a hinca Aruba den un debe monumental, cu si no tuma e solucion cu POR ta biniendo cune, cu lo pone cu pa 27 aña e generacionnan cu lo bin lo tin cu paga pe.

“Danki Dios ta biniendo un cambio den horizonte, entre otro e ley di restauracion economico cu cual nos por reduci e debe nacional den un tempo record, pero tambe cu crecemento economico, pasobra e gobierno actual tabata tin crecemento economico negativo aña pasa y un aña prome cu esey. Kiermen 2015 y 2016 y tur cos ta mustra, segun informe cu nos a haya di instancia independiente, aparentemente pa 2017 tambe ta bay mustra algo negativo, en todo caso mucho menos cu loke a wordo premira y esey ta bay tin su refleho tambe pa loke ta trata finanzanan publico”, mr. Andin Bikker a duna di conoce.

Bikker a reitera cu POR ta contento cu den e mensahe di Gobernador pa Informador, varios di e plannan di POR den nan Vision 17-21 a wordo identifica y lo forma parti di e esfuerzonan cu lo wordo haci e dianan aki pa yega na un gobernacion, pa restaura e pais aki y pone caminda cu e mester ta.

- Advertisement -

DUNA COMENTARIO

Please enter your comment!
Please enter your name here