Home Enseñanza Universidad di Aruba contento cu interes durante anochi informativo

Universidad di Aruba contento cu interes durante anochi informativo

12
0
SHARE
- Advertisement -

ORANJESTAD  (AAN): Universidad di Aruba ta sumamente contento cu e cantidad di studiantenan y nan mayor y famia cu a bishita e  anochi informativo diabierna 20 di oktober 2017 ultimo. A base di e preguntanan por nota cu e interes ta hopi grandi.

Ta bunita pa nota cu e studiantenan di e diferente scol y mayor y otro interesado  a bin pa haya sa un poco mas tocante e diferente programa nan cu nos tin pa ofrece. Remarcabel tawata cu entre e bishitantenan tabata tin studiante di voorexamen y derdeklas. Esey ta indica cu nos futuro studiantenan ta prepara nan mes pa nan futuro.

Universidad di Aruba ta un centro di educación. Nan ta stimula y colabora cu tur stichting of scol den enseñanza (hoger onderwijs) avanza. Nan tabata sumamente satisfecho cu organizacion manera Global Shapers, Investment Club, Center for Life Long learning tabata presente y cu nan por a comparti nan informacion. Tambe Breechi (plastic party) tabata presente pa concientiza e uso di plastic y recyclamento. Universidad ta haciendo tur cos pa nan tambe ta sostenibel “Green” den tur concepto y nan tambe ta  sostene differente organizacion.

E ambiente tabata spectacular y tur bishitante a sinti un caluroso bon bini. Muy en especial Universidad ta orguyoso cu tanto studiante di e diferente facultad nan tabata dispuesto pa bin y duna informacion hunto cu e docente nan.

Tur sesion individual pa duna informacion a conta cu un  sala yen.

No por keda si menciona cu e decoracion tabata uno espectacular. A usa nos producto nacional den un toke di oro di pascu pa asina trece un ambiente unico arubano.

Danki na e team creativo dilanti y patras di e scenario. Tur bishitante a ricibi un pida di funchi hasa pa asina promove cultura di nos universidad nacional.

Tur e studiantenan y staff di Universidad di Aruba cu a yuda e anochi informativo aki ta hopi contento y satisfecho pa mira asina hopi studiante y mayor nan bin busca y sera conoci cu loke Universidad di Aruba tin pa ofrece.

Un danki special tambe ta bai na tur representante di e diferente facultad y  studiantenan .

 

 

 

 

- Advertisement -

DUNA COMENTARIO

Please enter your comment!
Please enter your name here