Home Policial Uso di “seat belt” ta keda un problema na Aruba

Uso di “seat belt” ta keda un problema na Aruba

211
1
SHARE
OLYMPUS DIGITAL CAMERA
- Advertisement -

Mientrastanto boetnan pisa no ta cay!

ORANJESTAD (AAN):  Coriendo rond di Aruba por mira con tin chofernan cu ainda no ta conciente riba e uso di “seat belt”. No ta solamente nan “seat belt” pero esun di e co-piloto.

Ta di lamenta cu e personanan aki  no ta bin bij riba e consecuencia ora un accidente sosode y cu nan por scapa nan bida door di djis a usa e “seat belt”.

Por corda e accidente fatal unda Princess Diana a fayece. Expertonan ta indica cu si e lo tabatin “seat belt” bisti cu e lo por a sobrebibi. Pero e no a bisti su “seat belt” e dia cu el a haya su mes den un accidente fatal y a fayece hunto cu su pareha.

Banda di esaki por menciona e caso di chofernan cu ta neglisha nan yiunan of otro muchanan door di laga nan sinta den asiento di co-piloto siendo cu nan no tin edad pa esaki.

Segun ley, un mucha menor di 12 aña mester sinta den asiento patras den auto (riba nan child seat) y no dilanti, ni tampoco den scochi di e mama, tata of ruman, of ken cu ta.

Pakico, un lector ta puntra, Polis no ta bin cu boetnan mas pisa pa asina por logra cu e hendenan aki ta cumpli cu e leynan di trafico, principalmente ora ta trata di seguridad di e muchanan.

Por ta ora di wak/lesa di un boet basta pica nan lo reacciona y stop di neglisha y hunga cu e bida di criaturanan inocente.

Practicamente tur dia por mira na Aruba muchanan menor di 12 aña y mas preocupante ainda, babynan riba scochi di e co-piloto. Ora un desgracia sosode ta cu ta core y actua.

- Advertisement -

1 COMMENT

  1. Mi comentario seatbelt tin su malo e tin su bueno també paso ami ta un amigo e pa via di e seatbelt ela muri

DUNA COMENTARIO

Please enter your comment!
Please enter your name here