Home Noticia Internacional Venezuela a pasa riba Siria den solicitudnan di asilo na Spaña y...

Venezuela a pasa riba Siria den solicitudnan di asilo na Spaña y Merca

71
0
SHARE
- Advertisement -

ORANJESTAD (AAN): For di September di aña pasa, Venezuela ta lidera keto bay e lista di e 10 principal paisnan cu ta pidiendo asilo na Merca.  Den e prome semester di 2017, Inmigracion Mericano a ricibi 15.433 aplicacion.  E cifra aki ta priminti di sobrepasa e fin di aña e 18.155 solicitud haci na 2016.  Esey ta presenta un aumento di 148% entre 2016 y 2015, pero si bo compara cu 2014, e solicitudnan a subi cu 518%.

Pa e aña aki, e luna di Maart 2017 tabata esun cu mas hende cu a bay pidi asilo na Merca, esta 3.404 persona.

E asilo ta un derecho humanitario internacional poni den articulo 14 di e Declaracion Universal di Derechonan Humano.  E ta wordo duna na personanan cu a sufri persecusion pa motibonan politico, di raza, nacionalidad, of di ta parti di cierto grupo social.

Merca a cuminza nota hopi peticion pa asilo desde Februari 2014 (92 persona a pidi), y di e tempo ey tur cos a sigui aumenta.  E tempo ey, Venezuela tabata na ultimo lugar riba e tabla, cual tabata encabeza pa China, Mexico, Guatemala, El Salvador, Egipto, Ecuador, Ethiopia, Haiti, y Siria.

Asina cada luna Venezuela a sigui subi den e lista di solicitudnan di asilo, y na October 2015 ya e tabata na di tercer lugar.  Na Februari 2016 el a bay na prome lugar.

Mesun cos por bisa di Spaña.  Na 2016 nan a haya 3.960 solicitud di asilo, y di e tempo ey Venezuela a subi na e lista.  E aña prome e tabata apenas 596.

Asina Venezuela a bay na prome lugar, pasando Siria cu a keda na di dos lugar cu 2.975 solicitud, y despues Ucraina.  Riba e lista di Spaña tin paisnan manera Argelia, Colombia, El Salvador, Honduras, Palestina, Marruecos, y Nigeria.

- Advertisement -

DUNA COMENTARIO

Please enter your comment!
Please enter your name here