Home Actividad Especial Weekend aki ta cuminza cu Aruba Endurance Festival yen di ehercicio

Weekend aki ta cuminza cu Aruba Endurance Festival yen di ehercicio

36
0
SHARE
- Advertisement -

ORANJESTAD (AAN): E tan anticipa Challenge Aruba Endurance Festival (october 20-22, 2017) ta den porta, y como parti di e fin di siman binidero, Challenge Aruba lo ta anfitrion pa e 5K Paralympic RunWalk, presenta door di e sponsornan principal Aruba Aloe y Cool FM 98.9 Aruba, diasabra awo dia 21 di october, y lo cuminsa 6:00 pm.

Henter comunidad ta invita pa participa den e evento aki, cual lo cuminsa y caba na e Challenge Aruba Sport Expo, localisa na e parking lot di Hyatt Regency na Palm Beach. Pa inscripcion ta costa binti Florin, y tur participante lo ricibi un “dri-fit” t-shirt special pa por conmemora e evento aki. Como un extra bonus 5 premio fabuloso lo worde rifa na final di e Run/Walk, for di cual un di e premionan ta un ticket gratis di jetBlue pa bay New York.

Aruba Aloe ta orguyoso di por ta parti di e Challenge Aruba Endurance Festival, y specialmente ta orguyoso di ta presentando y sponsor e Paralympic RunWalk. Na e evento un check di 5.000 Florin lo worde entrega na e Aruba Paralympic Committee pa apoya e fundashon y su esfuersonan.

“Nos ta hopi impresiona cu e trabao di e Aruba Paralympic Committee y e aporte cu nan ta duna e atletanan cu limitacion fisico. Nos ta spera cu nos sponsorship lo yudanan pa nan por sigui haci e trabao extraordinario cu nan ta haciendo.” Jessica Posner, gerente di mercadeo di Aruba Aloe a relata na DIARIO.

Como generalmente Challenge Aruba su eventonan ta tuma lugar den dia, Aruba Aloe ta surgi tur participante pa usa sunscreen pa proteha nan mes for di e rayonan intenso di solo, y ta agrega cu sunscreen semper mester worde usa ora di haci deporte pafo den dia. “Nos sunscreens ta ideal pa atleta door cu nan ta hopi resistente na awa (sodo). Naturalmente nan ta traha cu 100% di e gel puro di Aloe Vera di Aruba, cual tambe ta yuda mantene e cuero bon hidrata y sano.” Posner ta comparti.

Tur hende interesa den participa den e Paralympic RunWalk por inscribi na IbiSA Aruba, of na Aruba Aloe su tiendanan na Hato y na Paseo Herencia. Inscripcion tambe por worde haci online na www.challenge-aruba.com.

- Advertisement -

DUNA COMENTARIO

Please enter your comment!
Please enter your name here