Home Actividad Especial Yrausquin ta sigui celebra cu evento di Team Building y cu no...

Yrausquin ta sigui celebra cu evento di Team Building y cu no menos cu 5 hubilario

30
0
SHARE
- Advertisement -

ORANJESTAD(AAN)—   Aña 2017 ta un aña cu hopi alegria y celebracion pa e famia y empleadonan di Yrausquin. Ademas di ta celebrando 65 aña aniversario di e existencia di e compania, a celebra hubilario di empleadonan, esta Nathalie Laclé-Yrausquin (25 aña), Ivan Sneek (20 aña), Elvin Krind (15 aña), Lillian Dirksz (10 aña) y Danielle Popke (5 aña).

E hubilario a wordo honra na final di un “Team Building” evento organisa den forma di un “Speurtocht”. E “Speurtocht” a tuma lugar den nos caya principal (Oranjestad) unda tin hopi historia y monumentonan di Aruba pa admira. E mision di e “Speurtocht” tawata pa cada team participa den algun weganan, completa algun tareanan, resolve algun puzzel y contesta algun pregunta. Tur esaki mester a wordo haci como team hunto. E “Speurtocht” a finalisa na Yrausquin situa na L.G. Smith Boulevard 112, y a clausura esaki cu un fiesta unda a honra e hubilario di e 5 empleadonan menciona anteriormente.

E meta principal tras di e “Speurtocht” aki tawata pa conoce otro un tiki mas, sinja traha hunto cu otro, pone enfasis ariba strategia y tactica nan pa completa e tareanan, creatividad, fortalese e Team – Yrausquin, den un ambiente social y participativo, y por ultimo pero no menos importante pa “have fun”.

Parti di e misión di Yrausquin ta pa anima y motiva nan empleadonan pa sobresali y pa brinda training, beneficionan competitivo y un facilidad solido pa traha aden. Yrausquin lo sigui fortalese e team cu mas actividadnan di “Team Building” como tambe ofrece su empleadonan diferente cursonan pa sigura cu su clientenan ta haya e miho servicio y e miho experiencia ora nan yama of bishita e showroom.

Di parti di nos redaccion y henter pueblo di Aruba  ta felicita tur 5 empleado cu a festeha nan hubilario, y tambe Yrausquin pa nan 65 aniversario.

 

- Advertisement -

DUNA COMENTARIO

Please enter your comment!
Please enter your name here