Home Hudicial 4 aña di prison pa homber cu a maltrata y viola su...

4 aña di prison pa homber cu a maltrata y viola su pareha masha brutal

319
0
SHARE
- Advertisement -

Hues a confirma e exigencia di Fiscal

ORANJESTAD  (AAN) – E homber S. ayera mainta a scucha Hues bisa cu e ta haya ambos acusacion legalmente proba. Esta violacion brutal diferente biaha y maltrato formal diferente biaha. Hues a confirma e exigencia di Fiscal y a condena J. na 4 aña di prison.

MALTRATO

Dia 3 di November 2017 tratamento di e caso a tuma lugar caminda ora tabata scucha Hues menciona e formanan di maltrato, tabata parce mas bien cu S. tabata tortura e victima y tabata trat’e manera un cacho caminda hasta el a forza e victima come for di ariba vloer y orina riba dje.

Segun Hues tabata lesa parti di e maltratonan y abusonan cu S. a haci, mas y mas bo tabata haya e imagen di un burdugo sinta dilanti Hues. E sospechoso tabata maltrata e victima formal. Den Corte e tabata bisa cu no ta asina pero Hues a confront’e cu su declaracion na Polis caminda el a admiti di a maltrata e victima masha brutal mes.

Ora cu Hues tabata lesa esakinan, e tabata sacudi cabez. Hues a puntr’e si loke el a lesa ta cuadra cu e berdad. Segun S. no ta tur cos ta berdad. El a bisa cu e no a dal sino a pusha.

  1. na dado momento a bisa Hues cu e ta lamenta loke el a haci.

VIOLA

Hues a mustra cu dia 15 pa 16 Mei 2017, con S. tabata mas bien tortura e victima y hasta tabata haci esaki dilanti nan yiu chikito. Pa duna un imagen chikito di tur e tortura cu e victima a pasa aden, Hues na dado momento a describi con S. a benta cuminda cu e victima a prepara p’e abao y a obliga e victima pa haci e vloer limpi cu su boca. Mientras cu e victima, kende a wordo maltrata riba dje, tabata haci vloer limpi cu su boca, e bordugo S. tabata orina riba dje. E bordugo S. a bay asina leu cu el a obliga e victima pa bebe su orina tambe. Despues el a forza e victima pa tin relacion sexual cun’e y na forma hopi brutal e tabata abusa di e victima.

  1. a bisa Hues cu e no a viola P. y no a forza e dama tene relacion sexual.

EXIGENCIA DI FISCAL

Fiscal a bisa cu e ta haya tur dos acusacion legalmente proba. El a bisa cu na Polis, e sospechoso a admiti cu el a maltrata e dama y tambe cu el a abusa di e dama. Na opinion di Fiscal. S. ta purba suavisa loke el a haci. Fiscal a bisa cu e no tin ningun motibo pa duda den declaracion di e victima. Mientras cu Fiscal tabata papia, por a mira cu e victima tabata yora. Fiscal a bisa cu e victima tabata morto spanta di S. y no tabata nenga nada cu S. bis’e pa haci. Fiscal a condena totalmente con S. a maltrata y rebaha e victima. El a mustra cu e victima a keda afecta y ta bou tratamento di un psycologo.

Fiscal a remarca cu S. ta bisa cu ta duele pero na mesun momento ta bisa cu e no a haci tur loke e victima ta bisa. E kier laga mustra manera cu ta e victima ta gaña. Fiscal a bisa cu e no ta kere cu despues cu S. sali for di KIA, ni e victima y su yiu lo kier mir’e. Fiscal a mustra tambe cu e mucha a mira kico tur S. a haci cu su mama. E no ta kere cu nan lo bay lubida esaki. Pa cu castigo, Fiscal a tene cuenta cu ta first offender. El a bisa Hues cu e ta tene cuenta cu no ta promer biaha cu a maltrata e dama. Ta door cu esaki a bay completo for di man e victima a bay haci denuncia. Fiscal a enfatisa den forma rabia cu ningun hende merece di wordo trata di e forma aki. El a exigi 4 aña di prison pa S.

SENTENCIA

Ayera mainta Hues a bisa cu e ta haya S. culpable y cu pa e castigo e ta tene cuenta cu ta diferente biaha S. a viola y maltrata su partner.

Hues ta haya cu S. a pone su gusto riba e sentimento di e victima. Na opinion di Hues, loke S. a haci a tacha e dama su integridad. Esaki ta causa cu e dama lo por keda afecta pa tempo largo. Hues a tene cuenta cu S. ta un “first offender”. Hues a confirma exigencia di Fiscal y a condena S. na 4 aña di prison, kitando e tempo cu e ta sera den KIA.

 

- Advertisement -

DUNA COMENTARIO

Please enter your comment!
Please enter your name here