Home General A evacua trahador y pacient debi na leakmento di fuel den “generator...

A evacua trahador y pacient debi na leakmento di fuel den “generator room”

121
0
SHARE
?
- Advertisement -

Ezzard Cilie: Un situacion serio pa HOH y henter Aruba:

ORANJESTAD (AAN) – Director di Hospital dr. Horacio Oduber,. Ezzard Cilie a convoca un conferencia di prensa, ayera mainta, relaciona cu un circunstancia inusual, cu hospital a confronta cune door di un leakmento di fuel cu a causa un holo hopi fuerte.

El a cuminza pa splica cu e circunstancia aki ta concerni nos pueblo en general, y tur persona cu ta liga na hospital como un centro di cuido.

Ta un situacion no comun pero un bez cu e sosode mester actua conforme esey y unda e dia mes a cuminza hopi straño.

“Ora nos a wordo avisa di un holo fuerte di fuel riba e afdelingnan, esaki mas y mas a keda persisti y na momento cu nos a bay revisa nos a bin realiza cu den e camber di generator tabata tin un overflow di fuel, di cual masha hopi fuel a plama den henter e edificio”, Ezzard Cilie a declara.

El a subraya cu aki e ta papiando di e parti tecnico di e generator y esey no ta un bon señal.

Director di Hospital a subraya cu ora e tipo di fuel aki tin gasnan cu ta hopi inflamable, tin gasnan cu ta afecta rosea y wowo y esey a cuminza wordo sinti na Hospital.

“Primordialmente, nos a cuminza haya keho di nos pacientnan cu a sinti efecto di dje y te na e momento ey nos no tabata sa, ainda, kico e ta te ora nos a bay busca pafo di Hospital nos a haya sa kico a pasa”, Cilie a comenta.

Esaki ta un incidente cu cual no a conta, pero cu por sosode.

 

PROME STAP:

Director di Hospital sr. Ezzard Cilie a duna di conoce cu e prome stap cu a tuma ora a detecta plamamento di fuel oil na hospital, ta evacua of pone e pacientnan fuera di peligro.

Esaki ta muda e pacientnan na otro caminda pero tambe e trahadornan.

“Naturalmente, Hospital tin e obligacion ora algo asina pasa, cu ta un calamidad riba tereno local, pasobra no ta un problema di hospital so pero di henter Aruba el a bira awor. Asina serio e ta!” Cilie a expresa.

“Bisando esey obligacion di hospital ta informa tur esnan encarga. E ora ey mi ta papia di e Comision di Calamidad local, Departamento di Salubridad, Brandweer, entre otro. Kiermen un cadena masha largo di stakeholders cu nos ta conta cu nan ayudo y tambe pa guia nos pasa door di e proceso, y esey  tuma lugar aworaki”, director sr. Cilie a expresa.

 

PACIENTNAN BASTA MALO:

Director sr. Cilie a subraya tambe cu Hospital tin pacientnan cu ta basta malo, hasta den Cuido Intensivo.

“Nos mester a evacua nan pasobra nan tabata tin problema cu halamento di rosea, cu nan wowonan pa motibo di e fuel cu a bin los pasa door di plafond”, Ezzard Cilie a splica.

Cilie a comenta cu el a haya yamada di hende puntrando si tabata tin walk-out na hospital. El a expresa cu mil biaha miho si e tabata un walk out y no e situacion aki.

Señor Ezzard Cilie a afirma cu tur pacient y trahador ta den lugar sigur y cu e ta spera cu esaki ta pa un tempo cortico. Instancianan a cuminza tuma medida necesario hunto cu Brandweer pa haci e lugar limpi y safe di tur locual a plama den hospital.

 

 

 

 

- Advertisement -

DUNA COMENTARIO

Please enter your comment!
Please enter your name here