Home General Abogado a constata cu e Caso “Ibis” no ta manera ta worde...

Abogado a constata cu e Caso “Ibis” no ta manera ta worde presenta pa Ministerio Publico den prensa

588
0
SHARE
- Advertisement -

ORANJESTAD (AAN): E asina yama “Caso Ibis”, no ta manera e ta worde presenta door di ministerio publico den prensa y tur caminda, segun abogado Vaders, kende ta representa ex-Ministro Paul Croes.

E no por bay den hopi den detaye di e caso, pero si por bisa cu cada biaha cu si tabata tin algo den contra di sr. Croes, e ora nan tabata wanta algo atras cu tabata na su fabor. Por bisa tambe cu si lo tabata tin cosnan concreto y vervelend contra sr. Croes, hamas y nunca e a bay cas. Pa otro hende cu no ta envolvi den e proceso penal por compronde, ya e hecho cu un hues ta laga un persona bay cas, ta bisa riba su mes hopi cos caba.

E mesun acusacionnan semper ta keda. Esnan di principio a keda para te dia di awe. Pero tin cu wak cada un dimes na nan manera y dia cu ta haya tur e documentonan, pasobra te ainda no a haya tur, e ora ey por bay evalua kico por haci cu cada un acusacion. Te ainda, Vaders no a bringa e contenido di e caso. Cada biaha a bringa pa wak si sr. Croes por a bay liber. Esey ta un otro defensa cu tin traha riba dje, ora cu haci e defensa den sala di corte pa na e momento di e caso final.

Mirando e situacion di e caso, no a detene minister mesora. Despues di a detene, a dun’e beperking. Pero prome cu esey a piki masha hopi hende rond di dje. Segun abogado Vaders, na momento cu a drenta den sr. Croes su cas, no tabata tin nada den su contra. A base di esey a cuminsa traha, a cuminsa detene tur hende y bay wak kico por haya contra di e minister. Esey tambe ta di lamenta. Tin cu bisa tambe cu na opinion di Vaders, e investigacion tabata asina grandi, pero loke a saca afo ta sumamente tiki informacion.

E intencion tabata pa dia 13 di December, e lo mester a bin dilanti Corte den estilo Pro forma, pero esey tabata si e lo keda cera. Ministerio Publico tabata pensa cu esey a bay pasa, pero ora a pone sr. Croes den libertad, mesora a haya e informacion cu nan ta cancela e fecha eynan, dus no lo tin pro forma mas dia 13 di December.

E caso awor aki lo worde trata of lo bay corte dia 12 di April 2018. Esey ta pa un regiezetting. Eynan tampoco lo bay tin tratamento di e caso completo. Na e momento ey e fiscal a bisa cu lo haya e documentonan final of e einddossier, un luna prome pa e ora por cuminsa pensa of formula nan deseonan pa haci nan investigacion, a base di e documentonan final cu ta bay haya e ora eynan na Maart.

Vaders ta hopi trankil, mirando con e caso ta canando. Na e momento cu sr. Croes tabata cera, e tabata hopi ansha y nervioso, pasobra na nan parecer no tabata tin nodo pa sr. Croes keda cera y dimes cada biaha cu tabata pidi pa bay cas, esey a worde rechasa. Esey ta duna hopi presion riba e caso. Pero awor aki cu el a bay den libertad ta hopi trankil y ta hopi sigur cu algo bon lo salo di e caso pa sr. Croes.

E contestanan semper tabata masha cortico mes, segun Marije Vaders y ningun no tabata motiva. Cada biaha nan tabata tende, cu e investigacion no a caba y pesey sr. Croes no por bay cas, of ta pesey no ta kita su beperking. Esey tabata eigenlijk e motibo pakico cada biaha nan tabata bisa cu no por bay cas y esey ta hopi laaf. Pasobra si bo no ta haya un motivacion, e ora ta mas dificil pa bringa e caso tambe.

Abogado Illes a traha hunto cu abogado Vaders den e caso. Nan ta trahando hopi bon hunto den e caso di Paul Croes. Vaders ta bay Aruba of Illes ta bay Corsou y ta keda di intercambia di idea. Ta reparti e trabaonan tambe. Esey lo bay bon sigur.

 

 

- Advertisement -

DUNA COMENTARIO

Please enter your comment!
Please enter your name here