Home General Abogadonan di ex Minister Paul Croes a haya hopi contratiempo den e...

Abogadonan di ex Minister Paul Croes a haya hopi contratiempo den e caso

119
0
SHARE
- Advertisement -

ORANJESTAD(AAN): Ex Minister Paul Croes ta liber, e no ta cera mas. Pero su proceso a dura bastante. Marije Vaders, kende ta abogado di ex minister Paul Croes, a conta cu nan a pasa den un proceso hopi dificil, vooral pa sr. Paul Croes.

Na momento cu el a worde deteni mester a haya algun documento, pero durante di su detencion un bevel van onthouding tabata vigente constantemente. Esey ta nifica cu cada biaha no tabata duna tur stuk cu Ministerio Publico si tin. Asina mester a sigui traha.

Durante di e biahanan cu a bay corte, cada bes tabata tin algo, of tabata haya documentonan laat. Of durante tratamento di e caso mes tabata haya sa cu tabata tin documentonan cu tabata na fabor di sr. Croes cu no a haya. Constantemente e abogadonan tabata den un posicion di desbentaha.

E dia cu a bay dilanti ultimo, un biaha mas a haya algun stuk. Den e fin di siman prome, a haya cuater ordner nobo cu yen di informacion nobo tambe. Esey a purba di traha cun’e. Na e momento ey a pidi pa e libertad di sr. Paul Croes, pasobra durante di su detencion e tabata den beperking tambe. Mayoria di tempo cu e tabata cera, net e ultimo simannan aki a kita esey.

Manera cu tur hende sa caba, tambe ministerio publico no tabata di acuerdo pa sr. Paul Croes bay cas. Segun Ministerio Publico e mester a keda, pero e hues cu a traha riba e caso tambe for di cuminsamento, of tabata envolvi den e caso for di cuminsamento, e si a mira motibo pa sr. Paul Croes bay cas y warda e proceso den libertad. Por bisa cu tabata un lucha duro y desigual, pero danki Dios cu na final cu sr. Croes a sali.

Marije Vaders a sigui splica cu tin diferente tipo di caso y tambe diferente cosnan cu un fiscal por haci pa haci e trabao di e abogado mas dificil. Pero tabata haya en todo caso cu medidanan di ministerio publico tabata mucho severo. Berdad cu tabata pensando di bay haci un keho na Hoofd di Derecho Humano pa mira kico por haci. Danki Dios e no a yega asina leu, pasobra esey tambe ta dura hopi tempo y miho cos cu a pasa ta cu sr. Croes a bay cas.

 

 

- Advertisement -

DUNA COMENTARIO

Please enter your comment!
Please enter your name here