Home arte y espectaculo Actornan di pelicula “Desvia” di Cedric Gei, lo ta den Festival...

Actornan di pelicula “Desvia” di Cedric Gei, lo ta den Festival di Pelicula

17
0
SHARE
- Advertisement -

ORANJESTAD(AAN)– Desvia ta un film di 2017 produci na Aruba door di Cedric Gei.

E ta conta cu actornan Alan Monte, Janesis Cano y Rodney Kock.

E film aki ta participando riba dia 30 di Nov den e di cuater Aruba Short Film Festival.

E biaha aki ASFF lo tin 7 participante cu 9 film total.

Lo tin varios film interesante pues…

Bin sinta wak film riba un pantaya cinematico cu un bon zonido den Crystal Theater dia 30 di november.

E lo ta un evento unda e publico lo disfruta di filmnan netamente Arubano.

Bin presencia un anochi di talento Arubano asina apoyando crecemento di nos industria cinematico y tur nos filmnan local!

Tuma asiento den Crystal Theater na Renaissance pa vota durante e competencia y apoya tur nos participantenan!

Ban sigi stimula film na Aruba y tur nos talentonan nacional, apoya nos productornan, directornan, actornan y tur otronan na Aruba.

A logra haya sa un tiki mas di e actornan di e film Desvia.

Alan Monte contando di su mes:

Mi tin 19 aña di edad anto mi a actua den e Short Film “Desvia”.

Mi ta un bailador y mi ta forma parti di The Popcorn Dancers.

Mi tin 5 aña ta actuando como un actor den short films y teatro y mi a yega di forma parti di Gang Di Arte.

Ademas mi ta skirbi poema y a yega di competi den Arte di palabra.

Y mi tabata modelo pero pa un temporada.

Janesis Cano contando di su mes:

Loke mi por conta di mi artistic background ta cu mi a jega di forma parti di e projecto di Juan Francisco Pardo di “Tribi Soña” cu despues a sigi pa e produccion di e film “Abo So”.

Mi a forma parti tambe di e serie di Juan Francisco Pardo di “Ciudad Oraño”.

Tambe e produccion di Cedric Gei di “Riba Liña Peligroso: EP 2.

Apart di esey mi ta gusta modelahe y a yega di hasi esaki pa companianan.

Wak pa bo no perde bo oportunidad pa bin apoya nos comunidad di film Arubano votando pa e annual People’s Choice Award.

Nos lo cuminsa cu benta na entrada desde 6 PM y por tuma asiento ora porta habri 6.30 PM.

E anochi tan anticipa di e gran ceremonia di premio den film Arubano ta cuminsa 7 PM.

- Advertisement -

DUNA COMENTARIO

Please enter your comment!
Please enter your name here