Home Hudicial Acusado a admiti di a dal victima cu boter den cabez

Acusado a admiti di a dal victima cu boter den cabez

53
0
SHARE
- Advertisement -

ORANJESTAD (AAN):  Tabata diadomingo algo pasa di mey anochi, central di polis a dirigi patruya San Nicolas na Baranca Bar  situa den Mauve straat relaciona cu pelea formal. Yegando na e sitio patruya a baha drenta Baranca Bar y atende e homber di inicialnan E.C.

A constata cu E.C. tabatin dos kap riba cabez y heridanan tabata core sanger. E victima E.C. di 47 aña tabata tur na sanger. Un di e heridanan tabata tras di su cabez y e otro cap tabata net riba su orea banda robez.

E.C. a declara cu un rato prome  a dal e cu boter glas na su cabez. Mientras tanto a wordo acerca y el a laga polis wak pagina di face book di un homber. E foto profile di e pagina di face book tin un cara di un homber y polis a reconoce e homber aki mesora  como e homber di  inicialnan  “JJS”.

E conoce “JJS” debi cu den pasado riba servicio na warda el a yega di presenta. Patruya a controla den vecindario y den centro di caya principal San Nicolas y Village pero polisnan no a logra localiza “JJS”. Patruya a bay na cas di “JJS” situa den Staringstraat   y na yegada polis a nota cu tin un hende den e cas y cu e ta wak pafo via bentana .

Mesora e homber a sali y a acerca e polisnan A resulta cu ta e homber “JJS”. Polisnan a ripara cu e homber tabata soda pisa y tabata hala rosea duro.

“JJS “a declara na e agentenan cu un rato prome el a manda un boter cu a dal den cabez di un homber Dominicano na altura di “Baranca Bar”.  El a haci esaki debi cu e homber Dominicano ta molestia su persona. A base di e hechonan menciona polisnan a detene “JJS’ diadomingo madruga 1 or  como sospechoso y a bisa e detenido su derechonan.

Na warda a present’e dilanti un fiscal auxiliar cu a ordena pa “JJS” di 31 aña die dad a  keda pa interogacion y pa lo demas investigacion y el a wordo encarcela na warda San Nicolas.

- Advertisement -

DUNA COMENTARIO

Please enter your comment!
Please enter your name here