Home Social Adiccion ta preocupacion den comunidad

Adiccion ta preocupacion den comunidad

70
0
SHARE
- Advertisement -

Edad di esnan adicto ta bahando

ORANJESTAD(AAN)— Aki na Aruba no tin un centro di adiccion pa hende muhe. Tin Centro Colorado si cu ta duna apoyo na hende muhe. Actualmente Cas Speranza no ta tin espacio pa hende muhe. Na Cas Speranza, e programa ta pa un aña. Un bes cu e persona ta dispuesto, e tin cu e keda na e cas, pa un aña sin sali.

Cas Speranza ta sosteni door di Gocian, cu ta un cunucu, cu ta cosnan di cultiva nan mes. E programa ta uno cu nan ta tuma les, den aspecto di emocion, den aspecto spiritual. Y tin hende cu ta duna bon fruta, den cambio.

E problema di adiccion ta un preocupacion den comunidad pa hopi tempo caba y e edad ta bahando. Muchanan di 13 aña of mas jong, ta uza marihuana. E ta birando un situacion mas preocupante. Aruba tin un ley di curatela, pero e no ta funciona, door cu e ta algo hopi profundo den e emocion di e mucha, cu e persona mester ta di acuerdo, e mester ta willing pa worde yuda. E ta kere pa bay mas profundo, cuminsa educa e muchanan cu ta creciendo, conscientisa, sea realistico cu esaki. E ta algo hopi fuerte. Tin hopi famia cu ta biba cu e dolor aki.

E organizacion di Team Challenge, e ta global. E ta tur parti di mundo y e ta estableci na Aruba pa hopi, pero no funcionando den e parti di rehab center. E Teen Challenge ta specialmente pa hoben y adolescentenan ta traha y tin e parti di rehab aworaki.

Cas Speranza ta uni na Teen Challenge, su programa cu ta uno 80% efectivo. E vision ta, cu manera aki, cu Aruba ta manda hende pa Hogares Crea na Santo Domingo. Pero den futuro ta pa crea un centro asina efectivo, ta transforma bida di hende, pa rond di Caribe Aruba tambe nan lo manda hende akinan pa worde restaura aki na Aruba.

Logicamente, Cas Speranza ta chikito awo. Y tur comienso tin su retonan, pero ta pasa door di dje pa haya solucion y pa sigui crece. Ora cu e persona drenta, e ta keda pa 1 aña y e ta haya un programa di detox. Tambe Outreach ta bou di e mesun grupo. Den e caso aki ta pa mustra e hendenan cu tin speranza, cu bo bal.

E hendenan a kere den e mentira cu nunca mas nan no por kere den esey. Den esaki, esunnan cu ta integra y ta dunando fruta aworaki, a bin traha y recluta hendenan cu ta dispuesto. Tin hendenan cu tabata hopi diep den e mundo aki cu a drenta den e centro pa rehabilita.

 

- Advertisement -

DUNA COMENTARIO

Please enter your comment!
Please enter your name here