Home Parlamento Ady Thijsen kier pa debatenan den Parlamento bira di nivel halto

Ady Thijsen kier pa debatenan den Parlamento bira di nivel halto

18
0
SHARE
- Advertisement -

ORANJESTAD (AAN): Den un entrevista riba prome dia como di presidente di parlamento nobo , Sr. Juan “Ady” Thijsen a puntr’e kico ta su vision y plannan pa cu e parlamento number 10.

Sr. Thijsen a gradici tur su coleganan pa e confianza y sosten, pa motibo cu ser presidente di Parlamento no ta un funcion facil y cu hopi responsabilidad, y awo su persona lo asumi e responsabilidad aki.

Den esaki, mirando tambe cu hopi hende a papia pa el a bay Hulanda, den e caso aki Hulanda tabata un opcion, door cu e tin experticio loke ta asuntonan di Reino, cu 12 aña den parlamento, y e ta gusta e parti aki tambe.

Pero, Sr. Thijsen ta contento cu e ta presidente di Parlamento, pa motibo cu esaki ta cas di pueblo. Na Aruba tin hopi trabao pa haci, y vooral Parlamento. Por bisa cu Parlamento e ultimo añanan a haya hopi critica y e no kier wak atras mas, pero ta wak padilanti. E tin e responsabilidad pa hiba e maneho den parlamento.

Parlamento tin dos parti, uno ta e parti organizatorio. Un parlamento cu mester ta stabil, cu ta traha efectivo. Tur hende ta di acuerdo cu Parlamento mester worde independiza, mas moderno y bon ekipa, pa asina parlamento pro funciona optimalmente.

E otro parti ta e parti politico. Sr. Thijsen ta kere cu nan ta esun cu den e parti di estado di derecho cu ta importante pa e pueblo aki, pa e democracia funciona manera mester ta. Mester bin control segun constitucion ta duna, unda cu ta principio di bon gobernacion, ta caminda parlamento ta controla gobierno. Pueblo a duna nan e confianza pa haci esaki pa nan, pa por representa e pueblo dignamente.

Segun Thijsen, e lo percura tambe pa e debatenan bay na un nivel halto. Tin cu wak pa e debate tin tambe contenido. Esey ta sano den un democracia y Sr. Thijsen ta kere cu den e caso aki, e ta sinti’e bon, pasobra cu e conoce tur e integrantenan y e sistema.

Tempo cu e tabata lider di fraccion di MEP, unda cu ex- Minsiter Mike de Meza, Benny Sevinger, Arthur Dowers, y e otro integrantenan tambe el a conoce, cu e tin un bon relacion cu nan tambe. Mescos ta conta cu e fraccion di POR y fraccion di ReD, cu esun di AVP y esun di MEP, caminda su persona lo guia e reunion, caminda cu e tin cu tuma medida, lo tin cu tuma medida.

Saliendo for di e pensamento di e comunidad di Aruba y si bo wak den e comunidad di Aruba, ta wak pa duna hopi di e jongnan e oportunidad, pa nan tambe dirigi e pais aki, den e caso aki, como parlamentario Sr. Thijsen ta bisa cu esaki ta un reto pa nan. Nan a haya e oportunidad pa ta parti di dje. Berdad, nunca nan no a participa ainda e ta algo nobo pa nan. Ta p’esey e ta sintie bon tambe, cu e por yuda nan tambe den esey. E bedoeling ta, e pensamento ta cu lo yudanan den e desaroyo aki.

Mas aleu, Sr. Thijsen ta sigui bisa cu, nos hendenan tin bon baggage, bon background un bon estudio, nan falta un tiki di e parti di politica, cu nan mester siña di dje. Pero nan ta kere cu esey lo bin. Ta nan lo mester pone atencion ariba dje. Nan mester pone e empuhe, e boluntad. Si tin boluntad, lo por bay hopi den e contenido y laga e politica bira menos. Hopi biaha e politica ta domina e contenido. Den e caso aki, lo bay percura pa e Parlamento aki bay ariba e contenido.

Politica ta keda politica, bo mag di tira algo, pero e no mag di bira algo personal. Esey nan lo zorg pe, cu e pueblo por wak e debate, y ta sinti’e orguyoso di un debate na bon nivel.

 

- Advertisement -

DUNA COMENTARIO

Please enter your comment!
Please enter your name here