Home Enseñanza Alumnonan di e materia biologia di klas VWO 5 a presenta un...

Alumnonan di e materia biologia di klas VWO 5 a presenta un excelente Environmental Science Fair

7
0
SHARE
- Advertisement -

ORANJESTAD  (AAN) — Culminando e proyecto di sciencia di klas VWO 5, e alumnonan di Colegio Arubano di e materia di biologia a presenta nan resultadonan di investigacion na un panel di hurado na MFA Paradera.

Un sala completamente jen di alumno, maestro, dirigente di school, mayornan y e miembronan di hurado a presencia e anochi aki cu a hiba e titulo di Environmental Science Fair.

Pa e proyecto aki. e alumnonan a  investiga diferente tendencia di investigacion riba e tereno di sciencia di medio ambiente pa mira si esakinan ta aplicabel na Aruba y cua problema di medio ambiente por soluciona.

E tema cu mas a destaca ta e aplicacion di Robots pa captura Lion Fish. E tema aki a yama e atencion di e grupo Aruba Lionfish kende a bin presencia e resultadonan di investigacion y comparti cu e alumnonan e desaroyonan y plannan pa futuro.

Un otro topico cu a capta atencion ta e aplicacion di e Bionic Leaf. Esaki ta un systema cu por hasi posibel pa converti oxigeno di carbon den combustibel y otro molecula util.

E otro topiconan ta:

Altering Coral Bacteria…. Microbes meet agriculture…. Trends in fences…..  Downside of cleanups….

Better Biofuel production….  Socking away CO2

E proyecto aki a duna e alumnonan e oportunidad pa nan desaroya nan habilidadnan di hasi investigacion, interpreta data y presenta nan resultadonan na un forma adecua.

Un danki na e hurado cu ta consisti di, Greg Peterson, Ryan Peterson, Juliet Carvajal, Sietske van der Wal, Eric Mijts y Gisbert Boekhoudt y e docentenan Z. Everon, R. Kelly y D. Quandt pa guia e projecto aki.

 

 

 

 

 

 

- Advertisement -

DUNA COMENTARIO

Please enter your comment!
Please enter your name here