Home Cultura Ampliando conocemento cu Mirto Lacle

Ampliando conocemento cu Mirto Lacle

19
0
SHARE
- Advertisement -

Den nos edicion di awe, e Gestor Cultural sr. Mirto Lacle ta trece dilanti un relato tocante un bunita storia, cu e mes a keda hopi impresiona cune. Ta trata di e buki titula: “Lagrimanan scur di su mama” skirbi pa Hilli Arduin.

“E hoben Deston di 18 aña ta sufri di e enfermedad sarcoïdose. Drumi riba su cama e ta observa e personanan den su camber y e ta relata di e ultimo añanan di su bida. E añanan den cual su bida a keda domina pa e consecuencianan di su enfermedad.

E buki ta trata di e bataya di Deston: un bataya contra su mes, su famia, Lizzy su amor recien y su entorno.

E relacion cu su mama Florence ta central. Na su turno su mama ta bataya cu su propio emocionnan. Como mama e ta haya cu e mester por proteha su yiu contra e impacto cu e enfermedad aki tin riba dje. Di otro banda e mester duna su propio emocionnan un luga adecua.

E lagrimanan di su mama, traduccion pa “De donkere tranen van zijn moeder” ta relata e storia di e tragedia cu ta anda parallel na e conciencia cu un persona por fayece na un edad hoben. Pero tambe e obra ta conta e storia di e ansia di sobrevivencia di un hoben moribundo.

E autor Hilli Arduin.

Hilli Arduin ta di e region caribeño. El a nace na Surinam y el a crece na Corsou.

Actualmente e ta biba na Hulanda pa mas cu 45 aña.

Semper Hilli a mantene contacto cu region caribense. Cu regularidad e ta participa na actividadnan den comunidad di Caribe riba tereno di enseñanza y di literatura.

Despues di su estudio na Akademia Pedagogico Korsou (APK) el a traha como maestro di scol na Corsou.

Na 1973 Hilli a biaha pa Hulanda. El a termina estudionan académico como doctorandus den ortopedagogia clínico na Universidad di Leiden y psicologia na Universidad di Amsterdam.

Mi a topa e nomber di Hilli Arduin na 1983, pues casi 35 aña pasa. Su nomber a aparece den un buki relaciona cu cuentanan di e haraña sabi, Compa Nanzi. Segun tempo a transcuri mi a sigui e desaroyo di Hilli Arduin.

Hilli Arduin cu buki di storia pa mucha lo ta na Van Dorp Boekhandel diasabra 4 di november di 1.45 pa 2.30 di merdia pa presenta su bukinan di mucha pa publico. Hilli ta un bon contado di cuenta. Hilli por conta na Papiamento, Hulandes, Ingles y Spaño”.

 

- Advertisement -

DUNA COMENTARIO

Please enter your comment!
Please enter your name here