Home Turismo Amsterdam Manor usando un tecnologia innovativo den mundo di hospitalidad

Amsterdam Manor usando un tecnologia innovativo den mundo di hospitalidad

15
0
SHARE
- Advertisement -

ORANJESTAD  (AAN): Na luna di Augustus, Amsterdam Manor Beach Resort a bira e prome hotel na Aruba pa implementa ALICE Full Suite of Hospitality.

Esaki ta un tecnologia innovativo den industria di turismo unda cu e Staff, Concierge y Guests ta wordo conecta riba e mesun plataforma via un App y di e manera aki ta mehora e comunicacion na nivel di operacion entre staff y di servicio cu e huspednan.

ALICE ta un startup cu ta bende programa di servicio na hotelnan y cu actualmente ta valora na $39 miyon di dollar, despues cu Expedia a bira un inversor y partner comercial di nan.

E App a ser crea na 2013 como un applicacion di mensahe entre staff y guestnan, y e nomber ALICE ta na honor di e housekeeper di e famoso programa di TV di decada 70’s The Brady Bunch.

Prome cu ALICE a yega e propiedad, Staff di Amsterdam Manor tabata comunica cu otro via radio, emails of via telefon, cu ta forma convencional. Por ehempel, ora di uza radionan, nan tabata haci hopi desordo y nan tabata distrae tur dos, staff y guests. Of si staff tabata for di e range di e radio, of staff no tabata contesta mes ora, otro miembronan di staff mester a cuminsa buscanan rond di e propiedad, lo cual tabata retrasa e productividad.

Pero temponan ta cambia y un comunicacion mas dinamico y eficiente a bira un necesidad y despues di un par di luna cu ALICE, Jurgen van Schaijk, Managing Director di Amsterdam Manor, a bisa cu e complicacion den comunicacion a ser reduci entre un 60 y 70 %. Unda cu previamente mester a sigui un cadena di staff pa por determina e status di e request di un guest, actualmente henter staff por log in den e App y nan ta wak e status inmediatamente.

Tambe a ser menciona cu e staff a responde cu hopi entusiasmo na e introduccion di ALICE y awo e comunicacion y coordinacion a bira mas facil. Staff por check in cu otro online. Ora un hende subi riba nan shift, nan ta post un mensahe cortico y tur hende ta haya e notificacion di biaha.

E gerencia tambe a bisa cu e ta complaci pa wak cu staff di tur edad ta habri pa ricibi cambionan tecnologico y cu aunke prome nan tabata preocupa si tur hende lo por a usa ALICE, awo cu nan ta wak con facil y eficiente e ta, nan sa cu e tabata un bon decision.

Alice ta ofrece un Full Hospitality Suite cu ta consisti di ALICE Staff, ALICE Concierge y ALICE Guest, cu ta permiti pa alinea e staff di Front of the house cu e Back of the house di Amsterdam manor; unda cu e mayor beneficio ta wordo mira unda e ta conta mas, cual ta e ‘experiencia di e guest’. Algun di e caracteristicanan di ALICE Guest ta:

Haci pedido (pidi room service, wake up call, haci reservacion di restaurant, solicita housekeeping).

Comunica cu staff di hotel prome, durante y despues di nan estadia.

Ricibi updates di e status di nan request.

E ta un App cu ta permiti e turistanan controla nan experiencia cu un click di un boton di nan celular, despues di check-in, y cu na mes momento ta facilita e staff di Amsterdam Manor pa contesta e ‘guest request’ den un tempo record; esaki ta yuda mehora e relacion cu e hue​spednan y asina anticipa mihor na nan necesidadnan.

 

- Advertisement -

DUNA COMENTARIO

Please enter your comment!
Please enter your name here