Home Deporte Apertura di Concacaf futbol pa mucha muher, tabata tin presencia di masha...

Apertura di Concacaf futbol pa mucha muher, tabata tin presencia di masha hopi mucha muher

20
0
SHARE
- Advertisement -

ORANJESTAD (AAN)—Diasabra a start sali e actividad di Concacaf damas, caminda un invitacion a bay pa e mucha muhernan di Aruba, por a bini Stadion Frans Figaroa, pa asina haya splicacion y training di futbol pa damas, patrocina pa Concacaf.

E idea tras di henter esaki, ta cu ta busca tur forma posible, pa asina mas mucha muher, tuma parti na fubol femenino. Aruba mester di mas futbolista femenino y awo ta habri e espacio aki pa tur cu ta desea di haya e oportunidad aki di hunga futbol.

Pa e ocasion aki, un grupo basta grandi di Referee local cu voluntariamente ta duna nan tempo, pa asina yuda cu entrenamento di futbol. Tambe ta bon pa menciona cu tabata tin diferente leidster di diferente team di damas, cu a bini hunto, pa duna asistencia na e muchanan cu a presenta riba e dia aki.

Prome cu henter e entrenamento a start sali, un ceremonia chikito a tuma lugar, caminda diferente invitado a hiba palabra, Sr. Richard Dijkhof como president di AVB., Nicole Hoevertsz secretario general di C.O.A. y Monique van Emben Director di Ibisa.

Presente tambe tabata Oshi Kock como cabesante di refereenan, Ricky de Leca referee International/local, miembronan di directiva di AVB, Ricardo Vargas, Dockter Medish Sport y Harm van de Seijp Secretario General SVB.

Organisadornan pa e mainta aki di futbol damas, a keda den persona di Martin Koopman Director tecnico di AVB. Elvis Albertus Coordinador tecnico di AVB. Mildred Wever Ibisa/ AVB. Rosemin Croes di futbol damas Aruba, AVB y como MC tabata tey Paula Engelen di AVB.

A probecha di e mainta aki, pa asina otorga plaquette di reconocimento na Chiara Petrocchi y su ruman Sophia Petrocchi, kendenan a logra representa e nomber di Aruba grandemente durante e weganan Sur Americano 2017, y cu cada un a logra bini bek Aruba cu medayanan bon mereci pa nan bunita y tremendo esfuerzo pa defende e bandera di Aruba tur cu tin.

- Advertisement -

DUNA COMENTARIO

Please enter your comment!
Please enter your name here