Home Cultura Archivo Nacional Aruba tin su propio website

Archivo Nacional Aruba tin su propio website

32
0
SHARE
- Advertisement -

ORANJESTAD (AAN): Un deseo cu tabata existi pa basta tempo caba porfin a bira un realidad pa ANA.

Archivo Nacional Aruba ta digital y tin su propio website: www.ana.aw .

Archivo Nacional pa basta aña tabata accesibel online via die e website di gobierno (gobierno.aw), pero awor ta conta tambe cu un propiolugar online.

E website ta uno informativo, cu ta brinda e opportunidad na e bishitantenan pa sera conoci mas cu e departamento, trabaonan cu e ta eherce y servicionan cu ta worde brinda.

E coleccion di aña ta ensera archivo den forma di documento, potret, material audio-visual y digital. Entre otro tin: archivo di gobierno, archivonan priva, coleccion di potret y audiovisual. En total aña ta maneha y cuida, mas cu 15 kilometro di archivo, mas cu 1250 VHS y U-matic tapes y mas cu 100 mil potret.

Den un online-database riba e website e bishitantenan investigativo por haci nan investigacion den e coleccion di documentonan, potret y video. Tambe riba e website por haya un amplio splicacion di e servicionan cu aña ta brinda, entre otro: investigacion genealogico, resumen di famia, investigacion archivistico, sala di studio y digitalisacion. Riba e website tambe tin e coleccion di investigacion y publicacion cu aña a produci durante e añanan. E website tambe tin varios potret y un video cu ta mustra parti di e trabao di ANA.

Un potret cu mensualmente lo cambia a worde yama “prenda di luna”, cu ta un potret di Aruba di antaño cu ta cambia tur luna. E potret ta hiba nos back den tempo y ademas ta ensera un investigacion cortico di e contenido di e potret. E intencion di aña ta pa sigui amplia e website cu mas di e coleccion. Tambe si por tin un of otro comentario riba e potretnan cu nos publica, esakinan ta welcome pa medio di info@ana.aw.

E website a worde prepara y hinca den otro pa medio di e personal di aña mes, mientras cu e diseño di e website a worde financia pa Fundacion Amigonan di Archivo, pa cual aña kier a gradici e fundacion pa e gesto aki.

- Advertisement -

DUNA COMENTARIO

Please enter your comment!
Please enter your name here