Home Economia Aruba a cera acuerdo y a bira “Sister City” cu cuidad di...

Aruba a cera acuerdo y a bira “Sister City” cu cuidad di Doral

91
0
SHARE
- Advertisement -

ORANJESTAD (AAN): Departamento di Asuntonan Economico, Comercio y Industria (DEZHI) y su unit Exprodesk, hunto Camara di Comercio, ATIA, ARINA y Free Zone Aruba, tabatin recientemente un reunion fructifero cu Desaroyadornan Economico for di e Ciudad di Doral, Sr. Manuel Pila y Sr. Alex Tejerizo den cuadro di un acuerdo di ‘Sister Cities’ entre Aruba y Doral.

Bou di e concepto di Sister City a inicia e “Aruba House” door di e organizacion sin fin di lucro, Oranjestad-Aruba Sister Cities Association (OASCA). OASCA ta situa na e Ciudad di Doral cu tabata e prome ciudad pa firma un acuerdo di ‘Sister Cities’ cu Oranjestad, Aruba na 2016. Esaki ta un ‘Aruban Citizen Diplomacy Program’ cu ta iniciativa di Sr. Ralph Romson y un grupo Arubiano, incluyendo Sr. Johnny Scharbaay (Co-fundado), y ancra den e Organizacion di ‘Sister Cities’ na Washington DC.

E meta di e proyecto ta pa  coordina y conecta tur sector di e comunidadnan di Aruba y Doral riba tereno entre otro di comercio, educacion, turismo, innovacion, desaroyo sostenibel, deporte, arte, cultura y musica.

E mision di OASCA ta pa crea un plataforma internacional cu lo lansa talento, producto y ideanan Arubiano den e mercado Americano. Pa ilustra esaki, DEZHI pa medio di su unit Exprodesk den colaboracion cu e radio ‘WDNA (88.9 FM)’ di MIAMI pa medio di e acuerdo di ‘Sister Cities’ a logra cu e produccion di 5 Artista Arubiano, kendenan ta Claudius Philips, Cesar Olarte, Giendrick Boekhoudt (T-drick), Genard Mohamed (Karixon) y Roderick Franken (Rocco/Buleria) a worde presenta na WDNA (88.9 FM). ‘WDNA (88.9 FM)’ su Programa ‘Global Gumbo’ ta ser scucha tur diadomingo di 04:00’or pa 06:00’or pm den henter South Florida y mundo completo via www.wdna.org.

Por download e proyecto y e ‘Sister Cities Agreement’ na www.exprodesk.com.

- Advertisement -

DUNA COMENTARIO

Please enter your comment!
Please enter your name here