Home General Aruba a haya Gobierno nobo y esaki ta e Ministronan

Aruba a haya Gobierno nobo y esaki ta e Ministronan

1337
0
SHARE
- Advertisement -

ORANJESTAD (AAN): Diahuebs 16 di November 2017 ta bira e fecha cu henter Aruba a haya sa cu a keda cla y tin Gobierno nobo!  Despues di cinco siman di reunion fructifero, a logra keda cla.
A splica claramente di con no por a baha na 7 Ministro, y pesey a keda na 8 Ministro.  Esnan den coalicion ta realistico y responsable, y a settle down finalmente na 8 Ministro.  Y esaki ta e forma adecuado pa Gobernacion, segun un programa cu tur tres partido MEP, POR y RED a acorda na dje.
E miembronan di coalicion a siña conoce otro, cu hopi respet, y esaki lo duna e base na comunidad cu aki ta trata di un Gobierno solido, y e gobernantenan cu pueblo a desea pa haya.
Y contrario na tur e rumor falso cu a circula e siman aki, hecho ta cu tur Ministro a wordo aproba na final di e screening!
E Ministronan nobo lo huramenta Diabierna atardi pa 5:30 pm, y sigui di 7:00 pm pa 9:00 pm cu un celebracion na Plaza Libertador Betico Croes.

•• mr. Evelyn Wever-Croes ta bira Prome Ministro, Ministro di Asuntonan General, Integridad, Energia y Inovacion.

•• mr. Xiomara Ruiz-Maduro ta bira Ministro di Finanzas, Asuntonan Economico y Cultura.

•• Glenbert Croes ta bira Ministro di Asuntonan Social y Labor.

•• Danguillaume ‘Dangui’ Oduber ta bira Ministro di Turismo, Salubridad Publico y Deporte.  E lo haya asistencia di Dr. Arturo Vallejo.

•• Chris Romero ta bira Ministro di Transporte y Comunicacion y Sector Primario.

•• Otmar Oduber ta Vice-Premier di Aruba y ta bira Ministro di Infrastructura y Medio Ambiente.

•• Andin Bikker ta bira Ministro di Husticia y Inmigracion.

•• Dr. Armando ‘Rudy’ Lampe ta bira Ministro di Enseñanza, Ciencia y Desaroyo Sostenible.

••  Guilfred Besaril a wordo poni pa bira Ministro Plenipotenciario di Aruba na Hulanda.

— TIN CAMBIO DEN PARLAMENTO —
— MIEMBRONAN NOBO CU TA DRENTA —

E hecho cu Guilfred Besaril ta bandona e puesto di Presidente den Staten, esey a conduci cu lo pone mr. Ady Thijsen como Presidente nobo di Parlamento di Aruba.

Pa Partido POR, awor cu tanto Otmar Oduber y Andin Bikker a bira Ministro, e fraccion lo pone drs. Marisol Lopez-Tromp como tambe Allan Howell.

Pa Partido MEP, esnan cu lo drenta Parlamento awor ta Edgar Vrolijk, Shailini Lee, Endy Croes, Sue-Ann Ras, y Setty Yarzagaray.   Lider di fraccion di MEP lo bira Rocco Tjon.

E Parlamentarionan nobo lo huramenta Diabierna 17 di November pa 9:00 am den sala di Parlamento mes.

- Advertisement -

DUNA COMENTARIO

Please enter your comment!
Please enter your name here