Home Parlamento Aruba a kibra cu e tendencia cu e ser masculino so tin...

Aruba a kibra cu e tendencia cu e ser masculino so tin dominio riba politica

249
0
SHARE
- Advertisement -

Parlamentario “Setty” Christiaans-Yarzagaray:

ORANJESTAD (AAN) – Parlamentario Louisette “Setty” Christiaans-Yarzagaray, di fraccion di MEP a hiba palabra, pa prome biaha, como representante di e pueblo di Aruba.

El a expresa con honra e ta sinti di sirbi nos pueblo na e forma aki y a gradici esaki na comunidad cu a dune e oportunidad aki.

Christiaans-Yarzagaray a felicita y gradici sr. Ady Thijsen cu a acepta bin bek den Parlamento y asumi e cargo di Presidente di Staten. E dama a expresa cu den e team jong di MEP representando pueblo den Parlamento, tambe mester tin e balansa di e parti di experiencia y nan ta gradici sr. Thijsen pa a tuma e reto aki di bira Presidente di Staten y ta e guia pa nan durante e siguiente cuatro añanan.

E Parlamentario a expresa cu nan sa cu sr. Ady Thijsen probablemente tabata tin otro deseonan tambe, pero el a wordo convenci pa yuda nan mirando su experiencia, su pasado y su preparacion legislativo, fraccion di MEP ta mire como un gran sosten pa nan.

E dama parlamentario ademas a felicita e Gabinete Wever-Croes cu sra. Evelyn na cabes, naturalmente. Sra. Christiaans-Yarzagaray a reitera cu enfasis, cu pa su persona ta un placer y un honor di forma parti di un team na unda cu nos pais ta wordo encabeza pa un ser femenino.

El a comenta cu hopi pais a yega na esaki caba pero Aruba aworaki pueblo a vota y a tuma un decision diferente. E dama parlamentario ta considera esaki un desaroyo hopi positivo y algo historico pa nos pais, mirando e hecho cu nos ta kibra e tendencia cu politica ta un mundo domina, den mayoria parti, pa e ser masculino.

El a agrega cu por mira cu awor na henter mundo e desigualdad di genero ta kibrando mas y mas, y esaki a drenta na Aruba tambe y pesey, el a reitera, ta sinti su mes honra di forma parti di un constelacion asina aki.

Parlamentario Christiaans-Yarzagaray a indica cu e tema di desigualdad, hasta riba dia di nan Huramentacion, sr. Gobernador a trece dilanti, bisando cu e tambe ta orguyoso y honra cu Aruba tambe a bay den e direccion aki.

Esaki ta un topico poni riba SDG cu un di su metanan ta combati desigualdad.

 

- Advertisement -

DUNA COMENTARIO

Please enter your comment!
Please enter your name here