ORANJESTAD (AAN): E dama hoben y dinamico, Celine Shipley a gana Best National Costume, y a sali prome finalista di e certamen Miss Teen International H2O Ambassador, cual certamen a tuma lugar den fin di siman na Curaçao. E aña aki mes, Celine a sali finalista di e certamen di Miss Youth Aruba.
DIARIO tabata presente den VIP Room na Aeropuerto na momento cu Celine a yega Aruba acompaña pa querida mama, su fanaticonan, e.o. Robin Croes-Ponson di e organizacion local, hunto cu su crew, y tambe a nota presencia di Diana Bikker (Mrs. United Nations 2017), Ginayla Hernandez (Pre-Teen Aruba 2017). El a wordo ricibi na Aruba door di Miss Youth 2017, Shanty Kanhai como tambe finalista Sharlena Clarinda, tambe Mini Modelo International, y Little de los Mares 2017.
Desde 7 di November caba, Celine a viaha pa Curaçao pa e preparacion pa e certamen, y esaki tabata un experiencia inolvidable pa Celine. Re
sultado final ta cu e candidata di Mexico a sali e ganadora, y Celine Shipley di Aruba a bira prome finalista.
E director di e certamen na Curaçao ta Aubrey America, kende ta un conocido preparador y organizador di certamen. Na 2014, Ruthsella Toppenberg a yega di representa Aruba.
Celine Shipley y su crew ta gradici Aruba Tourism Authority, Line of Style, Endy Croes, Carlos Tromp, y Budum pa su costume, tambe seccion Arubiana di Biblioteca pa tur informacion relaciona cu awa, y tambe Lainda Westerhoff cu a yude haci su proyecto.
