Home General Aruba Airlines su yegada na Aruba a wordo bon ricibi

Aruba Airlines su yegada na Aruba a wordo bon ricibi

447
0
SHARE
- Advertisement -

ORANJESTAD (AAN): Diamars tabata e gran dia pa e team di Aruba Airlines, cu yegada di e avion CRJ-200 cu lo ta wordo uza pa bula e ruta di Aruba, Curaçao y Bonaire.

Na su yegada na Aeropuerto prinses Beatrix, dos Crash truck di Brandweer, a staciona na cada banda di e avion y a bendiciona su yegada cu un tremendo spuit di awa.

Na e parti di rampa di aeropuerto, un grupo basta grandi di miembronan di prensa, tabata spera e gran momento aki, tanto pa haci diferente entrevista y otronan cu a percura pa manda e transmision den forma “live” pa e habitantenan di Aruba, cu tabata sperando e gran yegada di e avion bunita aki di Aruba Airlines.

Presente tabata tey diferente persona di puesto halto den e compania, entre otro Rafael Ruiz Director of flight operations, Vanessa Turp, Instructor Cabin attend cu porcierto a bini di Canada pa instrui e team di stewardess, Fransico Arends, Accountable manager, Sandra Sequea, Executive Assistant, Iain Schaengk static Manager, Jacqueline Kaersenhout station Superpose y Franklyn Krosendijk Director Ground Operations.

Despues di e cantidad di entrevistanan, tur e miembro di prensa, a wordo pasa paden den aeropuerto bek, pa asina pasa e caminda legal via di imigracion. Despues di esaki, tur e miembronan di prensa presente, por a borda e avion di Aruba Airlines, rumbo pa Curaçao, como e prome vuelo inaugural oficial di Aruba Airlines cu a haci e vuelo aki cu su team, cu na e momentonan ey tabata por a haci e prome viaha abordo di e avion aki.

Tur e miembronan di e team di Aruba Airlines y e miembronan di prensa, a hinca nan seguridad den man di e pilotonan Pierre Coulon y David Blackman, cabin Cedric van der Linde. DIARIO ta manda palabra di felicitacion na e team completo di Aruba Airlines.

- Advertisement -

DUNA COMENTARIO

Please enter your comment!
Please enter your name here