Home Deporte Aruba Jrs cu a haya materiaal di baseball di Fundacion Lotto

Aruba Jrs cu a haya materiaal di baseball di Fundacion Lotto

13
0
SHARE
- Advertisement -

ORANJESTAD (AAN) –  Un bon iniciativa semper mester por contribui cun’e, sigur si e ta na bienestar di e formacion y desaroyo di nos muchanan. Awendia ta hopi importante conscientisa nos hobennan cu practica cualkier deporte ta importante pa e curpa humano, esaki pa e salud y pa ta un mihor persona semper.

Como instancia cu ta aporte grandemente na e deporte di nos pais, Lotto ta contribui tambe na diferente organisacion deportivo cu ayudo di materialnan deportivo.

Recientemente sr. Ditto Acosta den representacion di Bureau Bo Barrio a haci un bunita donacion na e organisacion di baseball infantil Aruba Juniors pa asina e hoben peloteronan por praktica nan deporte preferi cu mas gusto.

A hasi entrega di bala, batenan, basenan, catcher gear y un pitching machine. E staf di coach, manager y mas cu claro e hoben peloteronan tabata masha contento di a ricibi nan materiaal nan nobo.  St. Fundacion Lotto pa Deporte a cubri tur gasto di transporte y invoerrechten.

Di aki banda St. Fundacion Lotto pa Deporte ta desea e organisacion di baseball Aruba Juniors tur clase di exito den e campeonato di baseball di ABBA.

 

- Advertisement -

DUNA COMENTARIO

Please enter your comment!
Please enter your name here