Home Social Arubiano bibando den pobreza extremo

Arubiano bibando den pobreza extremo

186
0
SHARE
- Advertisement -

ORANJESTAD   (AAN): Hopi biaha, casonan di bida real, nos ta wak na television den prensa internacional riba e pobreza, problemanan grandi di salud y sin wak bek den nos propio cura cu e ta sosode aki tambe. Tin biaha scondi, sin cu ningun hende sa.

Pero e biaha aki, Rowald Tromp, a haya e curashi di bin p’adilanti y conta su storia, cu sigur, scuchando loke el a bisa, ta yena un hende cu un tristesa y alabes desapunto, cu instancianan manera Sociale Zaken, ta actua, pero no lo suficiente, pa saca un ciudadano Arubiano for di e situacion caotico cu e ta biba aden.

Pa esnan cu no conoce, Rowald Tromp ta biba na Sero Dos Pos Weg 1 na San Nicolas y antes, e tabata tin su cas di FCCA, cu su pertenencianan. Sinembargo debe a pone haci cu el a bay transporta droga y pa su mala suerte a cay cera na Merca. Despues di a pasa un castigo di 7 luna, e ta bek na Aruba, sin cas, sin trabao, cu un problema di salud serio, canando un caminda di cruz pa e haya yudansa pa e bin bek riba pia. E ta bibando den un situacion inhumano y e tin mester di yudansa.

El a conta cu e tabata 7 luna cera na Merca. Pa no perde su cas di FCCA na Mabon, el a haya un cobransa di casi 5 mil florin y no tabata kier a perde su cas. El a opta pa hiba algo pa haya un placa facil y nan a gar’e, aunke e tabata sa con pa convence hues pa lag’e liber den 7 luna. El a scapa di 20 pa 35 aña.

Ora el a yega Aruba el a haya sorpresa cu el a perde su cas na FCCA. A saca tur su cosnan pafo. El a perde tur tur cos. El a bin Aruba sin paña, sin nada. Tur loke e tabata tin, ta loke e tabata tin bisti na su curpa. Sin caminda di bay. El a busca pa bay hospital, mirando cu e ta un diabetico y nan a nenga di atende, nan a nenga di intern’e. E ta pasando hopi malo. E ta pasando hamber. Su salud no ta bon. E ta diabetico, e tin presion y ora cu el a yega, tabata tin algun amistad a ofrece pa bay keda na Posada Ana na Pos Chikito. Eynan a paga p’e. El a keda un siman. E no por a keda mas pasobra e no tabata tin mas placa pa paga. Danki na Sra. Rosalia cu a bin sak’e for di eynan. El a ofrece un dak. No mester paga nada. E tin con cu bay bin awa, cu e por baña. Coriente, e tin miedo di uza coriente, pasobra e ta caba y e no tin manera pa pone, mirando cu e no tin entrada.

Danki na Cruz Cora, cu e tin algun paña cu e por bisti. Fundacion pa Comunidad ta wardando riba Sociale Zaken. Su keho di mas grandi ta, cu no tin shelter na Aruba pa por yuda ningun hende. E no tin caminda di bay. E tin un trahado social cu yama Brigitte, cual segun Tromp, ta hopi dehado. Mas dia pasa, cosnan ta piando pio. Pakico Sociale Zaken tey, e no sa. E tin varios luna ta wardando pa un pakete di cuminda di fundacion, pasobra nan ta wardando di Sociale Zaken. nan no ta subsidi’e cu paña ni cu cuminda. Bijstand, ta bezig ta luchando p’e. E tin te dia 12 di December pa bay keur. Sin un entrada tampoco e no por haci nada.

E ta buscando caminda pa bay. Berdad a yuda cu un luga di keda, pero e situacion cu e ta aden, no ta permiti pa keda mas. E ta den un neishi di sangura. E tin fobia di sangura, e no por soporta nan ni un insecto. E tin 24 ora cera den su camber y ta den calor y ta drumi cu porta habri. E ta haci lo posibel pa ningun sangura bay den su camber.

Rowald Tromp tin dos buraco na su pia. E no tin auto pa bay ningun caminda. E no tin transporte pa bay ningun caminda.  E tin tres siman sin bay poli. E mester bay dokter busca resultado di sanger cu urina cu el a test. E tin MRSA. Nan ta nenga di atende. El a bay keha na AZV tocante negligencia medico. Pero hopi hende ta bisa cu si bay keha, ta tempo perdi pasobra no ta yuda toch.

E pregunta ta, dicon tin sociale Zaken, si e tin mas cu un luna wardando y nada te ainda. E ta wardando riba un pakete di cuminda di Fundacion pa Comunidad, caminda cu cada biaha cu combersa cu nan, cu nan ta wardando riba Brigitte. Dicon nan tey anto. Si algo pasa, no tin shelter na Aruba. No tin ningun caminda cu hende por bay. Tromp ta buscando un caminda di bay pasobra e no por keda caminda e ta tampoco. E no sa ki mas pa haci. El a busca tur manera y instancia. Ta keha riba Facebook hopi y ta manda mensahe na su amigonan.

Loke ta famia, e ta salta esey. E no kier ni toca tema mes, pasobra si bay bisa algo, nan lo tum’e na malo. Pasobra nunca nan a yud’e cu nada. E no sa unda pa bay, e no sa ki caminda mas pa cana. E no por cana tampoco. E buraconan  na su pianan ta molesti’e. E ta mira cu e mester hasta amputa un dede di su pia.

Rowald Tromp tin su number cual ta 5687590. E ta kedando actualmente na San Nicolas, na Sero Dos Pos Weg 1. E ta keda na e caminda di Pacifico bay nort. E no tin paña, e mester paña, clechi di cama, cushinchi. E no tin un kopi pa por bebe awa. E no tin un forki cu e por come. E no tin un tayo. E tin bleki di tuna, pero e no por habri nan pasobra e no tin coy habri bleki, ni cuchiu.

E por bisa cu e tin algun golden friends. Ta amigonan cu nunca a lag’e na caya. Desde prome instante nan a yude y te ainda ta yud’e cu un kipashi, cu boter di keshi di boter, algun beleg, un paki di juice. Aunke e no ta dura algun siman, ta cosnan cu ta dura dos pa tres dia. Ta bisto cu e ta pasando den malo. Hasta el a baha di peso.

E ta gradici tur esnan cu a yude. Na Rosalia, kende a ofrece un cuarto. Aunke no ta apto pa su salud tampoco, pasobra tin sushi rond y door di su pia. E no por cana hopi riba dje. E ta prohibi pa cana riba dje tambe. E no sa unda mas pa bay, ni kico mas pa haci.

 

 

- Advertisement -

DUNA COMENTARIO

Please enter your comment!
Please enter your name here