Home Comentario Asesinatonan reciente tin nos comunidad preocupa y cu temor

Asesinatonan reciente tin nos comunidad preocupa y cu temor

235
0
SHARE
- Advertisement -

ORANJESTAD (AAN) – Diadomingo atardi dos ciudadano a tuma contacto cu Matutino DIARIO, pa mustra nan preocupacion tocante e casonan di asesinato mas reciente, riba nos Isla.

Ata aki un texto corto compilando ambos opinion. Ta personanan cu papiando den famia y cu amistadnan por nota cu tin un preocupacion y temor grandi den nos comunidad, cu e desaroyonan aki, y cu ta desea pa autoridadnan yega na e fondo di esakinan y trece claridad, cu ta necesario.

Na prome lugar pasobra e posibilidad tey cu tambe por ta casonan cu lo no wordo resolvi, manera otro asesinatonan den pasado, cu te dia di awe ainda autoridad concerni, no por a detene un culpable.

Na di dos lugar, y sumamente importante, ta wordo menciona e perdemento di moral y valor den nos comunidad. Ta hopi tristo di mira cu mescos cu den paisnan grandi, na Aruba tin hende pa kende bida di hende bal nada.

Patras di un asesinato por tin diferente argumento, pero ningun hende tin derecho bao ningun circunstancia di priva otro hende di su bida. Speculacion tin hopi y tin hende ta “tende” y plama cosnan cu no ta berdad, ta djis “a tende…” con locual ta haci e famia di e victima, hopi mas dolor.

No mester ta asina cu matamento di hende por bira algo normal, natural, pasobra e ta sosode henter mundo, riba nos isla chikito aki. Nos “one happy island” cual slogan aki ta perdiendo su contenido poco, poco.

Aruba no mester bira un pueblo indiferente dilanti e tipo di situacionnan aki. Cinco asesinato den e aña aki ta mucho pa un pais cu apenas 120 mil habitante contando mucha aden.

Esaki ta parti di nos problemanan social y como tal no ta algo cu ta afecta e famia di e victimanan so, ni tampoco di e victimario pero ta un problema cu ta afecta henter nos comunidad, nos moral colectivo y nos dignidad.

 

 

 

 

- Advertisement -

DUNA COMENTARIO

Please enter your comment!
Please enter your name here