Home Salud Asina yama “Voetenteam” di Centro Diabetico di ImSan di bishita na casnan...

Asina yama “Voetenteam” di Centro Diabetico di ImSan di bishita na casnan di anciano

34
0
SHARE
- Advertisement -

ORANJESTAD(AAN): Henter siman, Centro diabetico ta druk. Nan no ta den cas ta duna servicio y ta pafo. Kimberly de Groot kende ta Podotherapeut na Imsan na Centro diabetico y hoofd di e voetenteam y ta splica cu tur aña dia 14 di November, ta dia internacional di diabetes. Nan tin 7 aña ta organiza diferente actividad rond di e dia internacional di diabetes y e aña aki a sinta brainstorm kico por haci.

Un colega di de Groot, a comenta cu lo ta leuk pa bin y haci e pianan na e cas di cuido pa nos grandinan. Asina e idea a bin pa nan bay diferente cas di cuido pa haci pianan di e grandinan. Awe, nan tabata na Maris Stella, malcriando e grandinan cu tin eynan.

De Groot a splica cu e dia aki a bay bon. Nan a bin cu e team completo. E voetenteam di centro diabetico ta consisti di tres medische pedicuriste, un huidtherapeut y dos podotherapeut y a haci’e den un forma relaxing, hopi leuk, un massage, e huidtherapeut ta maseer e man. Ta haci e pianan y hasta dunanan un regalo. Mal cria e grandinan. A scoge mas tando pa e hende muhe, mirando cu e tema internacional ta Women and Diabetes. Ta duna algo back na comunidad. E hendenan grandi aki a haci hopi. Nan a traha duro y nan merece un dia asina aki. Ta mira cu nan tabata hopi contento y esey ta duna un felicidad back.

E centro tin hopi trabao, y lamentablemente e problema di diabetes ta uno hopi grandi. E ta mundialmente, pero e funcion na Centro diabetico ta prevencion. Ta hopi papia, hopi ripiti, hopi informa, educa e pashent con pa preveni pa yega na e complicacionnan pa loke ta amputacion of problema di bista, etc. E ta hopi importante pasobra sin tin nodo e calidad di bida ta baha hopi drastico, siendo cu bo ta hoben. Si por cuminsa den prevencion for di cuminsamento, e ora tin un calidad di bida hopi bon te cu na edad grandi.

E enfoke principal di e centro diabetico ta prevencion, guia nan. Claro si tin herida ta bin, e focus ta con ta bay cera e herida mas lihe posibel pa preveni amputacion. E meta ta reduci e complicacionnan cu diabetes ta trece cun’e. Door cu nan ta centro diabetico, ta diabeticonan so nan por mira. E dokternan di cas, e POH nan, nan funcion ta pa detecta e hendenan cu por bay bira diabetico. Nan funcion ta sumamente importante tambe.

Nan a bishita tres cas di hende grandi. Na cada cas nan por a logra di atende y yuda y malcria 12 grandi.

Door cu e prome dia cu tabata siman pasa, e tabata asina leuk. Tur a sinti nan asina contento cu ta sinti e amor di e grandinan tambe, con contento nan ta bira, a bisa cu nan tin cu haci’e por lo menos dos biaha pa aña. A cuminsa rond di dia 14 di November, pero a pensa cu lo haci’e toch sikiera dos biaha pa aña, pasobra tin grandi cu no por cana bon, of ta den rolstoeol, nan ta esunnan cu no ta haya chens pa bay haci uitstapjes afo, pasobra ta mas dificil. E ora nan ta haya preferencia cu por malcria nan na e cas di anciano, pasobra nan no ta haya chens pa sali bay masha. Esaki tin cu echt haci’e mas cu un biaha, segun de Groot.

Ora un pashent bin cu un cayo diki, si no a yega na e centro, e cayo ey a bira un herida. Hopi biaha nan no ta sinti’e. Door di e sucu el a afecta e nervio di e pianan y nan no ta sinti dolor. Te ora cu e cayo bira un herida, y e pia coy un infeccion, e ora nan ta ripara cu e pia ta hincha of e ta bira cora. Pero tin biaha, ya ta laat. E funcion di e centro ta hopi importante. Nan a yuda hopi hende den e banda ey.

- Advertisement -

DUNA COMENTARIO

Please enter your comment!
Please enter your name here