Home Social ASOCOL Aruba a cuminza embeyece Plaza El Condor

ASOCOL Aruba a cuminza embeyece Plaza El Condor

11
0
SHARE
- Advertisement -

ORANJESTAD (AAN): Diadomingo ultimo, 5 di Novemeber, e Asociación Amigos de Colombia, mihor conoci como ASOCOL, a cuminsa cu nan proyecto pa asina restaura y embeyece nan Plaza situa dilanti di Price Smart, Plaza El Condor.

E plaza ta un simbolo pa e comunidad Colombiano y ta worde usa anualmente pa eventonan, especialmente rond di e tempo di pasco. E Directiva nobo di ASOCOL cu tin Moises Fernandez como presidente, ta pone hopi emphacis riba e plaza, como e ta e un lugar unda tur colombiano y latino por uni como un comunidad Latino na Aruba y traha riba desaroya y pusha pa dilanti e comunidad na Aruba.

E proyecto aki ta uno cu a mira varios voluntario, personanan y companiana igual, participa pa asina por completa e prome fase di e proyecto. Incluso nos a haya un tremendo ayudo di e Honorabel Consul di Colombia, Señora Gnecco Pla, cu a presenta durante e limpiesa pa duna un man.

Locual ta sigui awor ta e mantencion y embeyecimento di e tereno, pa asina por tine limpi na tur momento, y tine disponibel pa diferent evento cultural y familiar cu ASOCOL kier organiza den futuro cercano. E directiva actual lo percura pa mantene e plaza limpi y organiza eventonan familiar/cultural, pa asina e comunidad por ta orgulloso di nan plaza. Actualmente tin un acuerdo cu un compania cu lo mantene e plaza como un sponsorship pa e asociacion, cu lo zorg pa e Plaza semper ta netchi y limpi.

Nan kier agradeci tur e voluntarionan cu a participa durante evento cu a cuminsa mainta trempan riba un diadomingo. Nan tur a traha duro y a duna e directive un animo grandi pa sigui cu e bon trabao. Un danki grandi tambe ta bay pa e companianan cu a sponsor y yuda nan durante e evento.

E siguiente evento pa ASOCOL lo ta e conocido “Dia de las velitas” cu ta tuma lugar dia 7/8 di December. Keda pendiente pa mas informacion cu lo worde publica den e siguiente luna.

Si bo ta interesa di haya mas informacion tocante ASOCOL of ta desea di bira miembro, por manda nan un email na  asocolaruba@gmail.com.

- Advertisement -

DUNA COMENTARIO

Please enter your comment!
Please enter your name here