Home Turismo ATA ta trahando “cu mira pa futuro” pa desaroyo sostenible pa turismo

ATA ta trahando “cu mira pa futuro” pa desaroyo sostenible pa turismo

19
0
SHARE
- Advertisement -

ORANJESTAD (AAN): Aruba Tourism Authority y socionan di turismo a conduci varios estudionan y encuestanan ultimo añanan.

Durante e proceso di ‘Cu Mira pa Futuro’ y sigur na cada etapa a consulta cu gruponan amplio pa asina por clarifica y verifica ponencianan y direccion, hopi cu tabata hancra caba den diferente investigacion cu a worde conduci ultimo añanan.

E plan ‘Cu Mira Pa Futuro’ a worde desaroya hunto cu socionan durante un proceso participativo y inclusivo cu a tuma 10 luna pa completa.

E participantenan a worde convoca den comite of gruponan a base di: (*) Antecedente.  (*) Diversidad den edad y sexo.  (*) Tipo y nivel di experticio.  (*) Interesnan y punto di bista tocante e mundo.  (*) Antecedente interdisciplinario y balansa den cross-sectornan (Gobierno, Sector Priva y NGOs)

Sigur e diferencia den background como tambe e diferente criteria pa asina forma un grupo a haci e dinamica y e punto di bista di cada un grupo uno fructifero. Asina durante e diferente sesion a pone enfasis y a sigura discusionnan riba temanan diverso cu ta contene diferente punto di bista y experticio.

E metodo cu a worde aplica durante e trayectorio di e proceso aki ta uno cu ta basa riba discussion y un comprension cla. Tambe a brinda e oportunidad pa asina priorisa y categorisa e plan di accion teniendo na cuenta e diferencia di expertisio.

‘Cu Mira pa Futuro’ ta categorisa e accionnan pa e añanan venidero bao di e siguiente 5 obhetivo:  (*) Un desaroyo turistico balansa. (*) Aumenta balor economico di turismo.  (*) Desaroya un identidad y mentalidad innovativo pa nos producto turistico.  (*) Amplifica presencia, integracion y protecion di nos sentido di identidad.  (*) Stimula participacion di nos comunidad.

E mision pa e proceso di desaroyo colaborativo tabata pa formula un plan di accion pragmatico pa un desaroyo di e destinacion, teniendo inovacion y un desaroyo sostenibel cu lo beneficia nos comunidad y nos bishitante, como puntonan central.

A.T.A. ta desea di sigui stimula consientisacion di e plan aki bao di nos comunidad y como tal ta invita y anima un y tur pa bishita e website www.cumirapafuturo.com pa asina siña mas tocante e proyecto aki y pa mira kico nos tur por haci pa hunto nos hiba Aruba su turismo y nos comunidad dilanti. A.T.A. a tuma e iniciativa pa desaroya e plan aki, cual ta brinda un direccion cla pa e organizacion aki y tur concerni.

- Advertisement -

DUNA COMENTARIO

Please enter your comment!
Please enter your name here