Home Economia ATIA a presenta nan evento corporativo anual cu orador principal Hans Biesheuvel

ATIA a presenta nan evento corporativo anual cu orador principal Hans Biesheuvel

38
0
SHARE
- Advertisement -

ORANJESTAD (AAN): ATIA a presenta nan evento anual pa comerciantenan local, cu semper ta haya hopi atencion, cu segun Sr. Ronald van Trigt, presidente di ATIA, lo tuma lugar dia 10 di November na Marriott Resort and Casino.

Sr. van Trigt a tuma oportunidad pa gradici CMB pa nan aporte pa e evento pa comercio di Aruba, como cu nan ta e sponsor di mas grandi, como tambe Ennia, Setar y otro companianan cu ta duna nan confianza y sosten pa e evento grandi aki tuma lugar.

Director di ATIA, Sra. Michelle de Groot, a bisa cu nan ‘Annual Corporate Event’, a bira un evento hopi conoci na Aruba, y ta di ocho aña cu nan ta organiza e evento, cu a haya un acogida hopi grandi entre comerciantenan y expertonan den comercio.

Sra. de Groot a indica cu pa 7’or nan lo cuminsa ricibi publico y pa 8’or nan lo cuminsa e programa oficial. Manera nan a bisa, Sr. Hans Biesheuvel ta orado principal di e anochi. Biesheuvel ta e co-fundador di organizacion ‘Ondernemend Nederland’, cu ta un organizacion cu ta boga pa comerciantenan, similar na cu loke ATIA haci na Aruba. Y e lo elabora riba importancia di companianan chikito y mediano ta pa economia di un pais. Den economia actual, esaki tin un importancia extremo na Aruba, pa motibo cu solamente sector priva por crea crecemento economico na Aruba.

ATIA ta hopi contento cu un persona manera Hans Biesheuvel por ta presente den nan evento. Esnan interesa pa atende ‘Annual Corporate Event’ por busca mas informacion na ATIA.

- Advertisement -

DUNA COMENTARIO

Please enter your comment!
Please enter your name here