Home General Autoridad tin ley den nan man awor pa confisca gasolin cu hendenan...

Autoridad tin ley den nan man awor pa confisca gasolin cu hendenan ta purba drenta cune via Waf

19
0
SHARE
- Advertisement -

ORANJESTAD(AAN): Un tema cu ta un fenomeno ta di gasolin. Algun dia pasa tabata tin un publicacion caminda cu Douane tin un rol importante pa hunga. Nan ta e promenan cu ta topa cu e situacion caminda cu Gasolin ta yega Aruba, of ta mira movecionnan straño y pa basta tempo Douane ta kehando.

Ricky Croes, director di Cuerpo di Douane, ta splica cu desgracia tabata tin caba. Cu a costa bida humano, ta un otro storia. Por a mira cu hopi boto cu a kima, cu a rementa, etc. Tin cu bisa cu esaki ta un fenomeno cu ta andando pa basta tempo. Tambe e botonan ta bin, nan ta drenta nan. Nan ta paga accijns y ta legal. Solamente tin cu wak e parti cu nan ta bay cun’e tera, con e ta wordo hiba y con e ta wordo transporta, unda e ta wordo warda. Si tin e siguridadnan necesario.

Esey ta trabao di Douane, di otro banda Brandweer tambe, cu tin un trabao eyden. Tin Directie Scheepvaart cu tambe por papia riba siguridad riba lama. Tin APA, Astec pa loke ta waf. Tambe por bisa Belastingdienst, cu lo por ta envolvi, pasobra nan ta bende e gasolin aki na final y tin un ganashi y tin cu paga belasting riba dje. Si wak bon e ta un conhunto di hopi actor cu tin di haber cu e asunto aki.

A reuni varios biaha riba e parti di gasolin y a sali awor aki un MB, basa riba e landsverordening In en Uitvoer di Douane, cu nan ta prohibi di bin cu nan den bulk. Awor aki una bes cu nan drenta cu nan, por coy nan den beslag. Ta papiando awor aki cu officier pa e miho manera pa deal cu esaki, pero lo por duna nan mas informacion di esaki ora cu papia cu Officier riba e situacion y e manera di pak aan e situacion.

Douane a haya dos boto caba ultimamente. Tabata tin botonan cu a bin y gasolin a wordo confisca. Tin cu deal cu esey. Ta e combersacion cu lo bay tin cu Officier van Justitie pa wak kico e proceduranan lo bay ta despues cu confisca esakinan. E informacion aki lo wordo divulga despues cu papia cu Officier riba dje.

Den corte tabata tin casonan caminda cu gasolin den tanki ta wordo mira como contrabanda. Un boto ta bin cu un tanki yen y despues di algun minuut ta sali cu tanki bashi pa bolbe yene. Croes a splica cu tur e problemanan aki a wordo tuma den consideracion y studia e miho manera pa por pak aan esaki.

Ora cu nan bin cun’e den tanki, e ta wordo conta como Scheepsvooraad. Ta caminda cu hues ta bisa cu si tin’e como scheepsvoorraad, ta poni den ley cu e mag di drenta cun’e. Una bes cu e sak’e, el a cambia su bestemming y tin cu paga riba dje. Tin otro cosnan cu ta hunga un rol ora cu ta baha nan den curanan di cas, unda cu no por yega facil. Awor aki ta spera cu a cuminsa cu e MB eynan, cu ta prohibi nan di bin cun’e, e ta bay mengua poco. Pero si ta keda alerta pa cualkier situacion cu a presenta, of cualkier otro maneranan cu nan por inventa pa trece toch pa por pak aan e situacion. Lo bay papia cu Officier van Justitie pa asina por yega na afspraaknan concreto.

Mester midi e gasolin cu wordo confisca si esaki ta bon calidad ora e wordo confisca.

Segun Ricky Croes hefe di Douane, ta diferente cos ta tende riba caya encuanto e gasolin cu ta wordo treci den boto for di Venezuela. Ta wordo papia cu ta trata aki di un gasolin di menos bon calidad. Sinembargo Ricky Croes a splica cu lo bay papia riba esaki cu Officier, kico ta loke por haci cu e gasolini. Dado momento esnan cu trece ora confisca esaki por basha awa den e gasolin tambe cu e por bay perhudica e hendenan na Aruba. Si bay bende esaki despues na publico na vindishi mester garantiza cu e ta bon. Awor aki ta poco prematuro pa papia over di esey, pasobra mester papia prome cu Officier y tambe e otro personanan cu ta envolvi con ta bay caba cu esey.

 

- Advertisement -

DUNA COMENTARIO

Please enter your comment!
Please enter your name here