Home Hudicial Awe caso contra dos homber pa posesion di arma di candela y...

Awe caso contra dos homber pa posesion di arma di candela y balanan

48
0
SHARE
- Advertisement -

ORANJESTAD (AAN) — Awe Corte den Promer Instancia ta trata e caso penal cu Ministerio Publico a cuminsa contra e hombernan J.T. y A.A. Nan ta wordo acusa di posesion di arma y balanan riba 13 Juli 2017.

Na October 2017 e caso a bin dilanti pro forma pasobra ainda e procesverbaal no tabata cla. Fiscal a bisa cu Polis a detene A.A. cu un revolver Cal. .57 y J.T. tabatin balanan.

E dia ey Fiscal a bisa cu por laga J.T. liber pendiente di e caso di awe, mientras cu ainda ta busca e homber A.R., relaciona cu e arma pero e ta fugitivo.

Fiscal a bisa Hues cu Polis a wordo yama cu riba un veld di futbol, tin un persona cu flanel blanco kende tin un arma den un tas a duna A.A.

Polis a yega na e veld y a mira A.A. y a haya e arma bou su t-shirt.

Abogado mr Marchena Arends a bisa Hues cu e ta di acuerdo pa J.T. wordo laga liber. Pa loke ta e otro sospechoso A.A., el a bisa cu e doño di trabou kier A.A. bay traha. A papia cu e doño pa comprension pero e doño a bisa cu si A.A. no bin traha, lo mester kit’e. E abogado a pidi Hues pa duna A.A. un chens y condena A.A. na castigo combina y trabou pa comunidad pa asina e por keda cu su trabou. El a pidi Hues pa laga A.A. tambe liber.

Fiscal a bisa cu e ta compronde e situacion di A.A. pero aki ta trata di un asunto hopi serio. Fiscal ta haya cu e interes di caso penal ta pisa mas cu e interes personal di A.A.

Hues a bisa cu e ta bay di acuerdo pa laga J.T. liber pero e ta rechaza e peticion di abogado pa laga A.A. liber. Hues a bisa cu e ta compronde e situacion di A.A. pero e situacion personal no ta pisa mas cu e caso penal. A keda palabra cu awe mainta e dos sospechosonan lo mester presenta den Corte pa tratamento di e caso. DIARIO lo informa lectornan di tur loke sosode den sala di Corte di Husticia di Aruba.

 

 

- Advertisement -

DUNA COMENTARIO

Please enter your comment!
Please enter your name here