Home Social Awe DIARIO ta celebrando 37 aña di existencia

Awe DIARIO ta celebrando 37 aña di existencia

78
0
SHARE
- Advertisement -

3 November 1980

ORANJESTAD (AAN): AWE TA 37 AÑA PASA, cu DIARIO a mira luz.

Aruba a haya su propio corant. Un empeño, un esfuerzo gran di di Jossy Mansur (den feliz memoria).  Tambe corda cu tras di tur gran homber tin un gran dama. Ora papia di DIARIO, mester papia tambe di señora Nuhad Mansur.

Awe Aruba por mira atras riba un logro: Esta 37 aña di lucha ta worde corona cu e apoyo di un Pueblo, y cu DIARIO semper na defensa di pueblo.

Net 37 aña cu DIARIO a sostene e bienestar di un Pueblo, cu a haya oportunidad pa expresa su mes. Cada persona, cu a bati na porta di DIARIO sa cu nan a haya atencion semper y cuando nan tabata realmente busca e obhetivo di Pueblo.

Nan tabata sa tambe cu nan no ta core riesgo, cu esnan na timon di DIARIO, pa haya bienestar propio a bende nan interes. Tanto Jossy como su señora esposa ta hendenan, cu a comparti alegria y tristeza, fiesta y dolor di Pueblo pero tambe di cada ciudadano.

No por lubida nunca e lucha cu DIARIO a hiba pa asina pueblo di Aruba haya su propio Status Aparte.  Su propio identificacion.  Y awor riba e bon rumbo cu e isla ta garantiza un futuro briyante.

Esaki ta 37 aña di e matutino di un Pueblo. Un corant den lucha di un Pueblo.  Danki tambe na tur esnan cu den e casi 4 decada aki a sa di labora, traha, diseña, y sostene e Matutino di Aruba.

Empleadonan di DIARIO semper lo tin e dedicacion y amor di Jossy Mansur pa su corant, firmemente claba den pecho.  Y pueblo tambe sa di esey.  Nan sa cu nos director Jossy Mansur (den feliz memoria) y Nuhad Mansur, ta dos persona cu hunto cu nan yiunan, tabatin hopi amor, dedicacion, y perseverancia pa DIARIO sigur sigui informando pueblo.

Awor e yiunan hunto ta guiando y pushando DIARIO den e mesun direccion cu nan tata tabata guia, y claro nan ta ricibiendo e apoyo, sosten, y muestra di trabao duro di empleadonan fiel.

Staf y Personal di DIARIO sa, cu e doñonan di e corant aki ta duna tur ciudadano e mes lugar y no ta midi nan beneficio pa e Matutino di Aruba, pa duna nan atencion. Propietarionan di DIARIO nunca tabata ‘reparti’ ciudadanonan den ‘clasenan’, pero ta habri hasta nan porta di cas si ta necesario, pa tur sin distincion. Si ta un bankero of un carpinte merece elogio, e elogio e ta haya.

Ta pesey DIARIO a bira matutino di Pueblo. Pasobra ciudadanonan sa cu keto bay e corant aki tin Directornan riba kende como hende nan ta conta. Nan suerte, nan condicion di bida, nan bienestar, ta e motibo di DIARIO tin e cariño inigualable den pueblo y di comerciantenan cu ta pone propaganda.

Awe ta 37 aña DIARIO. Logro di un lucha, perseverancia, di comparti cu un Pueblo!

 

- Advertisement -

DUNA COMENTARIO

Please enter your comment!
Please enter your name here