Home Social Awe Marcos Bislip Jr. cumpliendo 36 aña den radio difusion

Awe Marcos Bislip Jr. cumpliendo 36 aña den radio difusion

13
0
SHARE
- Advertisement -

ORANJESTAD (AAN): Diaranzon dia 8 di November 2017 e conocido locutor, dj,mixing dj y presentador di programa na radio esta Sr.Marcos Bislip Jr. ta cumpli 36 Aña den media.

Marcos Bislip Jr. a inicia su carera na radio cu apenas 14 aña di edad, dia 8 di November 1981 na Radio Antilliana 1270 AM danki na Señora Morgan Arrindell y Tuyo Prins (q.e.p.d.) kendenan a pone un confianza grandi den dje.

Morgan Arrindell ta e persona cu a acerca Sr.Marcos Bislip Jr. mirando cu Sr. Bislip tin un talento y un amor grandi pa radio y pa tres luna largo Sr.Marcos Bislip a worde prepara pa Morgan Arrindell.

Awe Sr. Marcos Bislip Jr. ta gradici Dios na prome lugar di a dune un talento special den radio y tambe na Señora Morgan Arrindell y Sr. Tuyo Prins enfelis memoria a kere den su persona y na 1987 Marcos Bislip Jr. a sali e mihor locutor hubenil di Aruba pa Aruba Toastmaster.

Tabata Dia 8 di November 1981 pa 8’or di anochi cu Marcos Bislip Jr. ta haya e lus berde pa habri e mic y bay den aire despues di un preparacion intenso di tres luna.

Marcos Bislip Jr. a traha hunto cu Roberto Geerman na Radio Antilliana 1270 AM ambos aworde prepara pa Morgan Arrindell.  Despues Marcos a worde busca pa Radio Carina 98.9 FM na 1988.  Na 1989 Marcos ta bolbe Radio Antilliana den oranan di merdia haciendo furor te cu na 1990.

Di 1990 pa 1995 Marcos Bislip Jr. tabata na Canal 90 FM den oranan di marduga pa mainta y despues na 1995 pa 1999 Marcos a traha na Voz di Aruba 1320 AM.

Na 1999 Marcos ta bay traha pa e radio cu el a yuda funda na 1988 pa 1989 esta Top 95.1 FM na unda Sr.Bislip ta co-fundador y a traha un aña como hefe di departamento di Noticia y tambe como operador y locutor y DJ y tabata tin un programa anochi for di 8’or pa 10’or di anochi na 1999-2000.

Marcos tin su propio radio ariba internet, “Aruba Internet Radio” cu tabata on for di 2000 te cu 2008 y asina a sigui cu su carera den radio pero via internet.

Na 2008 Dia 24 di Juni 2008 pa 8’or di anochi Marcos Bislip Jr. ta bay den aire atrobe ariba FM atraves di GFM 99.9 Galactica pa cual Sr.Marcos Bislip Jr. ta co-fundador y cu ayudo di su amigo ruman Joe Hernandes kendenan a traha hunto na Radio Carina  98.9 FM. y danki na apoyo y ayudo di su famia.

Marcos Bislip Jr. a bolbe radio ariba peticion di varios oyentenan cu a topa Sr.Bislip den un fastfood restaurant pa e bolbe atrobe y esei Marcos a haci tambe y awe ta den aire cu e programa Hit Express tur Diamars anochi for di 8’or pa 12’or di mei anochi y Diahuebs anochi for di 8’or di anochi te cu 12’or di mei anochi cu un programa romantico cu a crece bira grandi esta Romantic Paradise e paraiso romantico.

Durante e programa special di Lucky Dube y tambe di e programa di Romantic Paradise y tambe di Marathon Oldies 99.9 Marcos Bislip Jr. a haya un apoyo masha grandi for di e pueblo.  Marcos Bislip Jr.ta record holder den oranan di marduga den radio na Aruba y tambe ta record holder den oranan di anochi.

Actualmente Marcos Bislip Jr. ta record holder tambe den oranan di merdia pa atardi na radio via GFM 99.9 Galactica pa cual Marcos Bislip Jr. ta haciendo un furor  grandi cu e programa Prime Time dominando e sintonia nacional den oranan di merdia pa atardi y te cu awor no tin ningun programa cu por supera su programa y su estilo unico den radio.Prime Time ta worde presenta tur merdia pa atardi for di 2’or di merdia pa 4’or di atardi atraves di GFM 99.9 Galactica.

Marcos Bislip Jr. ta e unico locutor,dj y presentador di programa na radio na Aruba cu tres record ariba su nomber.Mientras cu Diamars Dia 8 di November 2017 Marcos ta logra un otro logro grandi esta yega na su 36 aña den radio difucion na Aruba cual ta un trayectoria largo den radio.Inconeccion cu e Celebracion di 36 aña Diamars Dia 8 di November 2017 Marcos Bislip Jr. a celebra su 36 aña na radio hunto cu e pueblo y na unda Marcos Bislip Jr. a presenta un programa special pa cu su carera professional den radio difucion for di 8’or di anochi te cu 12’or di mei anochi durante cuater ora di programacion como aprecio y gradicimento na e pueblo di Aruba y na tur e oyentenan.

 

 

- Advertisement -

DUNA COMENTARIO

Please enter your comment!
Please enter your name here