Home Salud Awe ta observa e Dia Mundial sin Alcohol

Awe ta observa e Dia Mundial sin Alcohol

54
0
SHARE
- Advertisement -

ORANJESTAD (AAN) – Pa motibo cu bebidanan alcoholico ta un producto cu ta wordo bendi libremente, pero su consumo excesivo ta causa un diversidad di situacion negativo y e ta wordo considera un problema social, y tin paisnan cu ta mire como un problema di salubridad nacional, e Organizacion Mundial di Salud (OMS), a bin cu e iniciativa di declara dia 15 di November, como Dia Mundial sin Alcohol.

OMS a dicidi pa establece e dia aki pa fomenta su responsabilidad di e ciudadanonan, specialmente e hobennan, pa controla e consumo di bebidanan alcoholico.

E punto di partida ta cu e consumo excesivo di bebidanan sterki ta trece cune consecuencianan cu ta relaciona cu un gran cantidad di trastorno emocional, mental y malesanan fisico.

Por ehemplo OMS ta menciona: daño cerebral, problema di memoria, adiccion y dependencia, aumento di presion arterial, asocia na diferente tipo di cancer, daño den e mucosa di e aparato digestivo, problema di alimentacion, cirrhosis hepatico, entre otro.

Fuera di esey e por trece problemanan social ora un persona no por controla su consumo di alcohol. Por ehemplo: comete vandalismo, pelea, violencia, conflictonan familiar y laboral, aumento di suicidio, disminucion di e reflehonan di curpa, mayor probabilidad di sufri y causa accidente den trafico.

Na diferente pais ta wordo organiza diferente actividad, por ehemplo charla, hopi di nan dirigi na adultonan en general y mayornan en particular, hubentud, pa papia tocante e consecuencianan cu por confrota door di consumi alcohol sin control, tanto fisico como incluso cu husticia.

Tin lugarnan unda nan ta realiza campaña anti-alcohol cu ehemplonan bibo manera personanan inocente cu a keda invalido despues cu un hende na stuur bao influencia di alcohol a dal nan cu auto, lagando nan lesiona riba un rolstoel, pa resto di nan bida, of personanan cu nan mes a keda fisicamente incapacita despues di un accidente causa tambe bao influencia di alcohol unda e mes tabata e victima of un di e victimanan.

Algun pais tin campañanan di prevencion durante henter e aña na nivel escolar, no solamente riba e consumo di alcohol pero di cualkier otro tipo di droga. Na Aruba ta conoci cu den Cuerpo Policial tin agentenan cu ta bay scol pa papia riba e temanan aki cu alumnonan, locual ta hopi bon, no obstante no ta mira hopi campaña den e transcurso di aña, cu por tin un peso di berdadero concientizacion, den pueblo.

 

 

- Advertisement -

DUNA COMENTARIO

Please enter your comment!
Please enter your name here