Home Actividad Especial Awenochi na Plaza Betico Croes ta bay tin un celebracion di Gobierno...

Awenochi na Plaza Betico Croes ta bay tin un celebracion di Gobierno nobo pa pueblo di Aruba

243
0
SHARE
- Advertisement -

ORANJESTAD(AAN): Despues cu Formador Mr. Evelyn Wever Croes a anuncia Diahuebs atardi durante un conferencia di prensa na APA cu Aruba tin su Gobierno nobo, el a gradici tur esnan cu a yuda den e proceso di formacion di Gabinete Evelyn Wever Croes I, cu ta inclui varios hende cu a participa na e tantisimo reunionnan cu a tuma lugar entre MEP, RED y POR y reunionnan di MEP su so.

Tambe e proximo Prome Minister di Aruba durante e conferencia di prensa a gradici tur e sostenedornan di e tres partidonan cu ta bay forma e Gobierno nobo.

“Mi kier a gradici tur e sostenedornan di MEP, POR y RED, pa mustra e disponibilidad y a permiti nos traha hunto pa yega na forma e Gobierno aki, cu Aruba a pidi”.

“Si nos sostenedornan a bisa nos no, nos no lo por a hasi nada tampoco”, segun Wever Croes, kende a gradici tambe tur e famianan di esnan cu tabata paricipa den e proceso di formacion di Gobierno, door cu hopi biaha nan no tabata wak nan mucho, durante e simannan cu a pasa.

E lider di MEP a gradici Dios tambe pa su iluminacion, mientras cu el a invita pueblo di Aruba pa e huramentacion di e ministernan cu ta bay tuma lugar awe tardi, cu ta un ceremonia cu ta bay wordo hasi pa Gobernador.

“Mirando cu e espacio ta limita, pa nos por celebra e momento aki toch cu henter e pueblo di Aruba, nos ta bay tin un celebracion mayan (awe Diabierna) anochi na Plaza Betico Croes di 7’or pa 9’or di anochi”, segun Mr. Wever Croes.

- Advertisement -

DUNA COMENTARIO

Please enter your comment!
Please enter your name here