Home General Awor Super Do It Center a bin pa duna pueblo mas variedad...

Awor Super Do It Center a bin pa duna pueblo mas variedad y prijs atractivo

91
0
SHARE
- Advertisement -

ORANJESTAD (AAN): E compania Do It Center na Shaba a stop di existi e siman aki.  El a cambia di nomber y awor a bira conoci como Super Do It Center.

Esaki a tuma lugar Diahuebs cu multitud di hende cu a bay mira loke e lugar nobo y cu a expande tin di ofrece.  Tabatin entretenimento musical, y diferente compania a ofrece tastings di nan producto.

Eugene Lacle, manager di Super Do It Center a splica cu publico a goza un mundo di e supermercado nobo, cu ta uno di calidad, hopi limpieza, algo moderno y inovativo pa Aruba.

El a splica cu Super Do It Center tin prijsnan competitivo y nan meta principal ta pa sigui traha e calidad y ofrecimento di variedad di producto, y na prijs atractivo pa pueblo por sali beneficia di su bishita.

Do It Center na Aruba mes ta un compania cu a existi pa mas di 70 aña, cu a cuminza antes cu General Store di Eric Ponson y esposa, cu a sigui crece y a hibe te cu ayera tabata Do It Center, y awor a cambia nomber.

Na un solo lugar cu espacio amplio di parkeo na Shaba, bo por haci compras di articulo pa cas, Hardware, Mueble, Artefacto, y awor tur comestible.  Segun Lacle, e nan tin tur departamento cu un Supermercado moderno tin, cu excepcion di pisca fresco.

 

- Advertisement -

DUNA COMENTARIO

Please enter your comment!
Please enter your name here