Home Suceso Bomberonan a bay duna hopi asistencia Diabierna mainta

Bomberonan a bay duna hopi asistencia Diabierna mainta

63
0
SHARE
- Advertisement -

ORANJESTAD(AAN): For di oranan tempran diabierna, despues di 5:40 am ya e prome yamadanan a cuminza drenta na 911.

Asina nan a sali bay duna asistencia na diferente bario y distrito, pa mira e situacion.

Tabata tin hende tabata yama cu awa tabata drenta den nan cas. Brandweer mester haci esaki ora cu ya e awa a drenta den e cas. No por pone pomp unda cu ta, segun vocero di Brandweer, Ferdinand Ponson.

E ta sigui splica cu asina aki cu nan a cuminsa, ta bay den e bario di Pavia, bay duna un man eynan. Bay den e bario di Madiki tambe, duna un man. Verano tambe a worde duna un man. Den Meiveld tambe por mira cu ta un di e venanan grandi cu awa ta bin for di Paradera, Piedra Plat, tur ta pasa den e rooi y pasa bay abao. Brandweer ta monitorea esaki pa e awa no keda subi eynan. Awo tin cu tene cuenta cu tin cu duna e awa chens pa core y pasa coy su caminda.

Areanan conoci:

Esakinan ta e rooinan cu normalmente ta yena cu awa y tin pa percura pa vigila esaki, pa mira un ke otro pa si esakinan yena, lo por tin casnan cu lo por yena cu awa. Tambe percura pa e rooinan, hunto cu DOW pa e rooinan aki ta limpi constantemente. Awor aki DOW ta ocupa cu e scoutnan di Brandweer, cu si hende tira sushi den rooi, ta percura pa e awa core bon y baha mas posibel den e diferente rooinan.

Loke habitantenan por haci:

Den caso cu tin situacion cu tin awa den nan cura, bisiñanan mester coopera. Ora cu traha cura, tene cuenta cu e otro banda. Busca historial di e casnan eybanda, pa wak cu nan ta yena, pa e awa por fluhi na un manera cu por saca e awa for di cura y no laga e bisiña sufri y perde gran parti den su cas, na momento cu awa yena. Percura pa coopera cu otro, ta loke Brandweer ta pidi.

Riba Diabierna mainta no tabata tin ningun incidente lamentable. Esun na Pavia, tin cu bin cu un solucion, unda cu mester a yama brandweer y ambulance. Akinan mester a saca algun persona for di den cas, pasobra tabata traha hendenan di edad.

 

 

- Advertisement -

DUNA COMENTARIO

Please enter your comment!
Please enter your name here