Home Turismo Bonaire a ricibi Aruba Airlines cu brasa habri

Bonaire a ricibi Aruba Airlines cu brasa habri

35
0
SHARE
- Advertisement -

ORANJESTAD   (AAN):  Diaranzon mainta a sali e avion CR Jet di  Aruba Airlines cu a realiza su prome vuelo di Aruba pa Bonaire. Pa e ocasion aki tabata un honor pa invitadonan y miembronan di prensa di Aruba bay den e prome vuelo aki.

E vuelo tabata tin un duracion di 29 minuut y cu su sientanan hopi comodo y cu un bon aire. Tabata tin un desayuno prepara na Aeropuerto na Aruba y ora a yega Bonaire tur hende a wordo bon ricibi.

E avion tin asiento pa 50 persona. Ayera e vuelo comercial tabata completamente yen.

Pueblo di Aruba tabata warda e momento aki pa haya un aerolinea local cu bon prijs y cu orarionan puntual. E reaccion tabata grandi.

Alaves Aruba Airlines ta invita pueblo pa nan Shopping Night na Cumana unda lo tin pasashinan cu 10% di descuento Diabierna awor di 6 or di atardi pa 10 or di anochi.

Esaki ta un tremendo regalo pa Sinterklaas y pa bao di kerstboom. Aruba Airlines ta biaha pa Curacao, Bonaire, Miami, Maracaibo, Valencia y Las Piedras. DIARIO ta gradici Aruba Airlines pa e importancia di e dia aki cu ta uno inolvidabel.

- Advertisement -

DUNA COMENTARIO

Please enter your comment!
Please enter your name here