- Advertisement -
ORANJESTAD(AAN): Dialuna, den careda di 7’or, a drenta informacion na autoridad, di un accidente cu a tuma luga na altura di Aruba Bank na Camacuri.
Ta trata aki di un Jeep cu tabata lastando un boto riba trailer. Algo a pasa cu a bay fout, cu e trailer a los di e Jeep.
Trafico contrario no por a evita e impacto y asina un auto a bay dal den e boto, cu consecuencia cu brasa di e trekker a los completo keda riba caminda.
Un persona a keda levemente herida, kende a worde trata pa personal di ambulance na e lugar mes.
- Advertisement -
