Home Deporte Campeonato di Colores di Taekwondo contento cu bishita di Minister Dangui Oduber

Campeonato di Colores di Taekwondo contento cu bishita di Minister Dangui Oduber

18
0
SHARE
- Advertisement -

ORANJESTAD (AAN0 – Diadomingo mainta tabata tin e Campeonato di Colores di Taekwondo organiza pa Stichting Tiger Taekwondo Academy. Minister di Deporte Dangui Oduber tabata presente y a hiba palabra na tur hende presente y a gradici tur cu ta practica deporte y a bisanan pa nan sigui practica nan deporte preferi.

Minister Dangui Oduber a habri e evento y a duna e prome bringadonan e si “chak” cu ta significa start. Minister Dangui Oduber a menciona tambe cu el lo percura pa asisti
na tur eventonan deportivo, mirando cu e tin mas cartera y tambe mas deporte cu tambe ta bay haya su atencion debido.

Un di e cosnan cu a hala mas atencion ta cu den Taekwondo di Aruba tin 5 referee Internacional y dos ta Grand Master. Minister Dangui Oduber a bisa cu Taekwondo ta wordo bon comenta den pueblo y tambe den su famia, pasobra su subrino ta miembro di un di e scolnan di Taekwondo.

Presidente di Aruba Taekwondo Bond ARTBO Dr. Guaicaipuro Jimenez a hiba palabra di gradicimento pa e presencia di Minister Dangui Oduber cu a caba di sinta y ya caba a bishita un di e deportenan cu mas ta saca Aruba su nomber internacionalmente.

- Advertisement -

DUNA COMENTARIO

Please enter your comment!
Please enter your name here