Home Cultura Carubbian Festival Celebrando San Nicolas tur diahuebs

Carubbian Festival Celebrando San Nicolas tur diahuebs

33
0
SHARE
- Advertisement -

ORANJESTAD (AAN): E afamado festival cultural caribense Carubbian Festival a sa di yama tur atencion di tanto publico local como internacional desde su opening cu show nobo cu a cuminsa Augustus.

Pues ya caba Carubbian a drenta su ultimo luna pa 2017 y ta priminti ta e luna mas hot di e season.

Durante e diferente edicionnan di Carubbian a brinda e oportuidad na publico local tambe pa interactua cu e bishitantenan unda a cre un synergia unico bisto solamente na Carubbian.  Pa diferente siman por nota caranan familiar cu a ripiti nan bishita y a goza cada siman mas hopi cu e prome. Esaki ta comproba nos cu Carubbian enrealidad ta un festival hopi stima.

Tur siman por a presencia multitude grandi di hendenan ta uni nan mes na e celebracion aki, contribuyendo na nos cultura y na San Nicolas.

Di ora cu bo yega te ora cu bay di Carubbian ta gozadera, na yega Carubbian hunto cu Cosecha a logra crea un area di artesania y arte local cu ta yama hopi atencion. Siguiendo pa e parti dushi di cushina unda e publico por come di snacks pa cuminda grandi te na bebe un dushi awa di coco bon frieu.

Y no ban papia di e show unico presenta pa The Popcorn Dancers, kende hunto cu Edselyn Figaroa a yega na compila y duna realse na e historia di San Nicolas.

Awe sigur ta Carubbian Day y ta spera tur hende pa bin come dushi, baila y pasa bon durante e festival di e siman aki cu ta cuminsa 6’or di atardi. E siman aki e banda cu lo acompaña Carubbian lo ta Perfect Sound cu sigur lo sa di buta bon ambiente.

- Advertisement -

DUNA COMENTARIO

Please enter your comment!
Please enter your name here