Home Hudicial Castigo di prison combina pa trio envolvi den tiramento na club nocturno

Castigo di prison combina pa trio envolvi den tiramento na club nocturno

187
0
SHARE
- Advertisement -

Un sospechoso cu tabata liber a wordo deteni den Corte

ORANJESTAD (AAN) – Castigo combina a cay pa e trio M.T., O.L.T., K.G. pa nan envolvimento den un tiramento na un club nocturne dia 27 di April 2017. Ta asina cu O.T.L. no ta sera, pero despues di e sentencia di Hues, el a wordo deteni den sala di Corte y hiba KIA hunto cu M.T. y K.G.

TIRAMENTO NA CLUB NOCTURNO

Luna pasa tratamento di e caso aki a tuma lugar caminda Fiscal a acusa e trio aki di a pasa den auto y tira riba e bouncernan di un club nocturno. Fiscal tambe a acusa nan di a menaza un persona na e club.

Ta asina cu e bouncernan a nenga pa nan drenta den e club nocturno. Nan no a gusta y a bay na nan auto y 5 minuut despues nan a pasa los tiro.

Durante tratamento di e caso, e trio aki a bisa cu tabatin un di cuater persona den e auto, cu nan no a menciona su nomber y cu ta e persona aki lo a tira.

Door di esaki, Fiscal a pidi Hues pa interoga cada un di e sospechosonan separa. Hues a bay di acuerdo ya cu e motibo di e interogacion tabata pa mira si nan ta gaña. A resulta cu nan a duna declaracion casi mesun cos.

Apesar di esaki, Fiscal a haya tur tres culpable y a exigi 18 luna di prison di cual 6 luna ta condicional cu un tempo di prueba di 2 aña.

SENTENCIA

Diabierna Hues a dicta sentencia caminda Hues a bisa cu e ta haya cu no keda proba e menaza verbal. Hues a mustra cu e homber S.D. cu a haci denuncia a bisa cu ta e homber chikito G. E otro persona ta papia di un persona cu tin flanel blanco. Na opinion di Hues, no por a saca afor si esun cu a menaza tabata G. of M.T. Pesey Hues a declara e trio liber di e amenaza aki.

Hues a sigui bisa cu e ta haya legalmente proba cu e trio riba 27 April 2017, tabata den posesion di arma di candela y a tira den direccion di e bouncernan.

Na opinion di Hues, e sospechosonan a duna un scenario durante tratamento di e caso pero Hues no ta haya cu tabatin un di 4 persona den auto. Hues ta haya cu e pruebanan ta mustra cu G. a pasa e arma na M.T., kende a tira den direccion di e bouncernan. Hues ta haya tambe cu O.L.T. lo a instiga G. pa bay coy e cos pa spanta nan.

CASTIGO

Hues a conclui cu e ta haya e trio culpable di menaza di morto. Hues a bisa cu nan a tira cu arma riba un club nocturno. Esaki a causa hopi spanto. Hues a bisa cu arma di candela ta causa hopi inseguridad den comunidad. El a tene cuenta cu ta promer biaha nan ta cay sera.

Na opinion di Hues, door cu O.L.T. su envolvimento ta menos, el a condena O.L.T. na 18 luna di prison di cual 8 luna ta condicional cu un tempo di prueba di 2 aña.

Pa loke ta M.T. y G., Hues a condena nan na 18 luna di prison di cual 6 luna ta condicional cu un tempo di prueba di 2 aña. Hues a duna orden pa detencion di biaha di O.L.T.

E miembronan di CEA a boei M.T. y G. y despues a boei O.L.T. tambe pa e bay caba di sinta su castigo den KIA

 

- Advertisement -

DUNA COMENTARIO

Please enter your comment!
Please enter your name here