ORANJESTAD (AAN): Club di Movimento CDM ta celebrando su di 20 aniversario.
Samanta Westera-Juppa, fundadora y Director Artistico di Club di Movimiento Aruba, a bin cu e scol di baile situa na Bubali 76-B, Noord. El a splica cu pa 2017, nan Show Anual tin e tema ‘Into the Future & Beyond’ celebrando Club di Movimiento su di 20 anniversario.
E prome acto lo presenta choreogafia inspira y basa riba: The Little Prince di Antoine de Saint Exupery, un buki clásico pa mucha di aña 1973.
E segundo acto lo tin hopi sorpresa aéreo y choreografianan cu e publico presente lo disfruta inmensamente. Nos ta bay tin presentacion special di artistanan invita, bailarin local Mr. Marvin Rousse y artista local Mr. Ferdinand Franca.
E Show lo tuma lugar Diasabra 25 November pa 7:30 PM (SOLD OUT) y Diadomingo 26 November pa 4:00 PM den Cas di Cultura.
Nan training General lo tuma lugar Diabierna 24 November di 2:45 PM pa 9:00 PM.
Nan ta invita comunidad di Aruba cordialmente pa join nos den nos celebración ‘Into the Future and Beyond’ e fin di siman aki!
