Home Enseñanza Commandeur Pieter Boer Kleuterschool a tene un minuut di silencio pa recorda...

Commandeur Pieter Boer Kleuterschool a tene un minuut di silencio pa recorda Rishandroh Anastacia

109
0
SHARE
- Advertisement -

ORANJESTAD (AAN): Commandeur Pieter Boer Kleuterschool a tene un minuut di silencio pa recorda nan alumno, Rishandroh Anastacia.

Segun director di e school, Sra. Sonia Goedhoop tabata un noticia hopi duro, pero dianan duro ta siña nos tur algo importante, nos mester wak na unda por trece mehoracion.

E director ta urgi pa nos ta bira un comunidad cu ta proteha otro, un comunidad cu ta bisa algo ora nan ta ripara cu algo no ta bon of ta robez. Hopi biaha hende no ta ripara nada robez, pero toch cos ta bay robez. Nos mester ta mas alerta riba nos muchanan, pero no solamente muchanan, sino cu nos grandinan, cu hopi biaha mester di atencion, guia pa asina duna muchanan mihor cuido posibel.

Sra. Goedhoop a bisa cu esaki ta un momento hopi tristo, pero un momento cu nos lo crece como comunidad, y nos mester para keto un rato pa nos realiza cu nos mester di otro. Nos mester di otro pa cuida otro, pa haci cambionan y nos mester di otro pa cuida nos como adultonan tambe, cu ta mayornan cu mester duna nos muchanan proteccion. Un mayor cu mester di yudanza, no por duna proteccion na su yiu. Pesey nan ta boga pa tur mayor cu ta den problema, cualkier problema cu por ta pa busca ayudo, pasobra nos tin sistemanan, pa asina salba bida di e muchanan.

Richard Vrolijk di Departamento di Schoolnan Publico tabata presente na momento cu Commandeur Pieter Boer Kleuterschool a tene e minuut di silencio pa Rishandroh Anastacia.

Sr. Vrolijk a bisa cu esaki ta un caso conmovedor cu a touch tur hende desde diabierna cu informacion a drenta, sigur di parti di e school aki. Di parti di DPS, e kier a extende nan mas profundo condolencia na famia di e angelito cu a bay laga nos, pero tambe na comunidad henter, specialmente na Commandeur Pieter Boer Kleuterschool.

Esaki ta un caso cu a pasa diripiente y tin comunidad conmovi ainda, y nan a haci oracion y bin duna condolencia na maestro y muchanan den klas di Rishandroh.

Segun Vrolijk, DPS a bin cu nan trahadornan social pa asina duna cualkier asistencia pa procesa e shock cu e caso aki a causa den e school.

 

- Advertisement -

DUNA COMENTARIO

Please enter your comment!
Please enter your name here